Dede Wen hazu Jésus-Christ ka Luc ngɛraka 6:45 - Takarata pɛ Sɔ Mbombe Mbon

⁴⁵ Dede wi gbosisi nɛ dedemɔ ka don zang sila wa. Nɛ gdanga wi gbosisi nɛ gdangamɔ ka don zang sila wa. Hazu wi tɔ sɔna nɛ wen mɔ, ka don zang sila wa.»

Dede Wen hazu Jésus-Christ ka Luc ngɛraka 6:45 Referans Kwoze

Efeze 4:29

Ka ma mbuli kalbho-kalbho wen ndang agbo ha nu ɛnɛ na. Ɛnɛ wol sɔna nɛ wen ka gbakiri hio wi, nɛ ka de dedemɔ ha tɛ wi ndɔng ka beze yo.

Jean 7:38

‹Wi ka mɛkiri mi, nanali ka ha tunɔ befok ha sila wa gbolgbol›, gbesi tuka ɛ bangɛriki ha zang takarata pɛ Sɔ.»

Kolose 3:16

Wen pɛ Christ ade le ha soko ɛnɛ hebhe. Ɛnɛ aosi mɔ ha may, nɛ ɛnɛ ambo may nɛ mbaramɔ fɛt. Ɛnɛ abe hio *gima pɛ David, hio gima lukisi Sɔ, hio gima ka tɛ nɛ wal *Nzɔy-Sɔtɛ nɛ sila ɛnɛ fɛt hazu ha oeba ha Sɔ.

Kolose 4:6

Dea nde, wen nu ɛnɛ adung swe fɛt nɛ yefaa, nɛ fin nɛ baa tuka tɔng. Ɛnɛ aing wal mɛ kifiri wen nɛ wala ha wi ndang ndang fɛt.

Hebro 8:10

Mbombe mbon ka mi benɔ ha soko mi hinɛ hio wi mɔ Israel ha ngimɔ ɛngi, yo bedung tuka ɛngɛ: Mi begɔn mbonga pɔm ha takaramɔ pɛ mbwa, nɛ mi begde yo fin ha zang sila mbwa. Mi bedung nê Sɔ pɛ mbwa, nɛ mbwa bedung nê kandɔ pɔm. Yo nê mi Kongawan ha tɔ mɛgi.

Efeze 5:19

Ka ɛnɛ wesara may, ɛnɛ be hio *gima pɛ David, hio gima lukisi Sɔ, nɛ hio gima ka tɛ nɛ wal Nzɔy-Sɔtɛ. Ɛnɛ be yo fɛt hazu lukisi nɛ Kongawan nɛ sila ɛnɛ fɛt.

Deamɔ 5:3

Ma, Pierre tɔa ha wɛnɛ: «Ananias, mɛ gbosasa sila mɛ ha *Satan hazu ge? Mɛ tɔa dalo ha *Nzɔy-Sɔtɛ, nɛ mɛ wuso ma bhalkɔ mbɔli fɔ pɛ mɛ hazu ge?

Jude 1:15

hazu gɔn kita ha zu hio wi fɛt. Nɛ wɛnɛ bendulsi hio *wan-kafi Sɔ ndang ndang fɛt hazu mɔ, ka mbwa dea sungiri nɛ wɛnɛ. A bendulsi mbwa, hio *wan-de gdangamɔ ka kafi Sɔ, hazu hio gdanga wen fɛt ka mbwa tɔa sungiri nɛ wɛnɛ.

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.