Dede Wen hazu Jésus-Christ ka Luc ngɛraka 6:29 - Takarata pɛ Sɔ Mbombe Mbon

²⁹ Ka ma wi mɛla mɛ ha ma mbuku ndang, kifiri bhalkɔa ha wɛnɛ amɛl fin. Ka ma wi baa gasa latɛ pɛ mɛ, gde wɛnɛ aku fin latɛ mɔ sia.

Dede Wen hazu Jésus-Christ ka Luc ngɛraka 6:29 Referans Kwoze

Hebro 10:34

Ɛnɛ bade sɔy ha ngɔtɛ pɛ hio wan-zɔbhɔ. Nɛ ka ɛ bakay toy pɛ ɛnɛ pen nɛnɛ, ɛnɛ badung nɛ totɛ hapata, hazu ɛnɛ ingɔ nde, ɛnɛ nɛ ma kpaamɔ ka dung nɛdedea pentɛ, nɛ ka bebhɔn kpoo.

2 Korente 11:20

Kpasawen, ɛnɛ ha baa sila ɛnɛ ka mbwa ba ɛnɛ tuka bala, ka mbwa yɔng ɛnɛ, ka mbwa ba mɔ pɛ ɛnɛ nɛ nga mbanzi, ka mbwa bhɛsiri ɛnɛ, nɛ ka mbwa mɛl li ɛnɛ.

1 Korente 6:7

Ɛnɛ tɛ bo ha fundo may, ɛngi osi nde, ɛnɛ yɔa wal pɛ Sɔ kari. Ka ma wi dea gdangamɔ ha tɛ ɛnɛ, mana ka wɛnɛ zuo nɛ ma mɔ pɛ ɛnɛ, hazu ge ɛnɛ lɛm ba sila ɛnɛ sɔna nɛ gdangamɔ ɛngɛ na, ge nde?

Jean 18:22

Nɛ ka Jésus boka ha tɔa wen mɛgi, ma nasara hapɛtɛ wa mɛla li wa kpaya, nɛ tɔa: «Mɛ kifiri wen mɛgi ha wan-zu hio wan-hasadaka hazu ge?»

Matthieu 26:67

Hapata mbwa pɛa tafu ha zang li wa, nɛ mbwa sɔma wɛnɛ. Nɛ hio ma mɛla li wa kpaya,

1 Korente 4:11

Hɔ ha ngimɔ sising, ɔ ha fea wɔ yɔngamɔ nɛ wɔ li, latɛ pɛ ɔ bona, hio wi ha mɛla ɔ, nɛ ɔ ha yambala nɛ ngɔn nɛnɛ.

Deamɔ 23:2

Ananias, *wan-zu hio wan-hasadaka, haa nu ha hio wi hapɛtɛ Paul mɛ mɛl nu wa.

Dede Wen hazu Jésus-Christ ka Luc ngɛraka 6:30

Ka ma wi gɔa mɔ ha kɔ mɛ, mɛ ha yo ha wɛnɛ. Nɛ ka ma wi baa ma mɔ pɛ mɛ, ka mɛ a-ani yo fin na.