Dede Wen hazu Jésus-Christ ka Luc ngɛraka 6:25 - Takarata pɛ Sɔ Mbombe Mbon

²⁵ Ngɔtɛ ha ɛnɛ ka zang ɛnɛ dona sising, hazu wɔ bede bin ɛnɛ. Ngɔtɛ ha ɛnɛ ka mam mami sising, hazu ɛnɛ bedung ha zang kobhe bin nɛ ɛnɛ behe kwa.

Dede Wen hazu Jésus-Christ ka Luc ngɛraka 6:25 Referans Kwoze

Jacques 4:9

Ɛnɛ de ngɔtɛ hazu gdanga deamɔ pɛ ɛnɛ. Ɛnɛ lokitɛ nɛ he kwa. Ɛnɛ kifiri mami pɛ ɛnɛ ha kwa, nɛ totɛ ha ngɔtɛ.

Gbasamɔ 3:17

Ɛnɛ ha tɔa nde, ɛnɛ nê hio wan-kpamɔ, ɛnɛ kpaa yɛbhɛ-yɛbhɛ mɔ, ma mɔ ndang kɔpi ɛnɛ na. Ma, kpasawen, ɛnɛ nê hio wan-ngɔtɛ, wan-kɔsa, wan-keri mɔ, wan-gdɔka li, wan-sɔngere, nɛ ɛnɛ tɛ ing yo na.

1 Tesalonike 5:3

Ha ngimɔ ka hio wi betɔ nde, hoo, mɔ fɛt nɛ gaa, yeksamɔ bo na, yo nê ha ndangtɛ ngimɔ ɛngi ka gasa yeksamɔ bewang mbwa. Nɛ mbwa lɛm kpɔy ang na. Yo bedung tuka yimtɛ bio bhɛ ka kpa nazang.

Efeze 5:4

Ka ɛnɛ atɔ wen nɛ tum, mana wen foy, mana wen gɔnali na. Mɔ ndɔng lɛm fin nɛ ɛnɛ na. Ma, dea nde, wen nu ɛnɛ adak wi mɛ tɔ oeba ha Sɔ.

Dede Wen hazu Jésus-Christ ka Luc ngɛraka 13:28

Ha zang Kongakandɔ pɛ Sɔ ɛnɛ bezɔk hio ngbabafa ɛnɛ Abraham, Isaac nɛ Jacob nɛ hio *wan-tɔkuliwen fɛt. Ma, pɛ ɛnɛ, ɛnɛ begdɔri nɛ kwa, nɛ ɛnɛ beyɔng nzata nɛ yimtɛ, hazu ɛ beyin ɛnɛ pi ha dɛl.

Dede Wen hazu Jésus-Christ ka Luc ngɛraka 12:20

«Nɛ Sɔ wanga wɛnɛ nɛ tɔ nde, yera wi! Mɛ befe mɛsɛ nɛ zɛ. Mɛgi dɔka mɔ ka mɛ wesara, o ha bedung nɛ yo, o nde?

Dede Wen hazu Jésus-Christ ka Luc ngɛraka 8:53

Nɛ mbwa mama Jésus hazu mbwa ingɔ nde, bem fea kari.

Dede Wen hazu Jésus-Christ ka Luc ngɛraka 6:24

Ma, ngɔtɛ ha ɛnɛ hio wan-kpamɔ, hazu ɛnɛ kpaa mɔ gasisi sila ɛnɛ kari.

Dede Wen hazu Jésus-Christ ka Luc ngɛraka 6:26

Ngɔtɛ ha ɛnɛ ka hio wi fɛt ha tɔa dede kasi tɛ ɛnɛ, hazu hio ngbabafa mbwa dea gbesi ha tɛ hio wan-tɔkuliwen dalo.»