Dede Wen hazu Jésus-Christ ka Luc ngɛraka 6:21 - Takarata pɛ Sɔ Mbombe Mbon

²¹ Totɛ ha ɛnɛ ka dung nɛ wɔ sising, hazu zang ɛnɛ bedon. Totɛ ha ɛnɛ ka he kwa sising, hazu ɛnɛ bemam mami nɛ totɛ.

Dede Wen hazu Jésus-Christ ka Luc ngɛraka 6:21 Referans Kwoze

Jean 6:35

Jésus tɔa ha mbwa: «Yo nê mi ka dung yɔngamɔ ka ha tunɔ. Wi kɛ ka tɛ ha pɔm, wɔ yɔngamɔ lɛm de wɛnɛ fin na. Nɛ wi ka mɛkiri mi, wɔ li lɛm de wɛnɛ fin ndang na.

Matthieu 5:6

Totɛ ha hio wi ndɔng ka wɔ nzengmɔ hɛl mbwa, hazu Sɔ begasisi wɔ pɛ mbwa!

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

Dede Wen hazu Jésus-Christ ka Luc ngɛraka 1:53

Sɔ ha dedemɔ nɛdɔka ha wi ka wɔ gbɛa mbwa. Wɛnɛ yin hio wan-kpamɔ si nɛ gele kɔ ha twa.

Matthieu 5:4

Totɛ ha hio wan-ngɔtɛ, hazu Sɔ beyɔkili mbwa!

Gbasamɔ 7:16

Ngase wɔ yɔngamɔ, ngase wɔ li lɛm de mbwa fin na. Ngase baa swe, ngase gbɛngamɔ lɛm de mbwa fin na.

Dede Wen hazu Jésus-Christ ka Luc ngɛraka 6:25

Ngɔtɛ ha ɛnɛ ka zang ɛnɛ dona sising, hazu wɔ bede bin ɛnɛ. Ngɔtɛ ha ɛnɛ ka mam mami sising, hazu ɛnɛ bedung ha zang kobhe bin nɛ ɛnɛ behe kwa.

1 Korente 4:11

Hɔ ha ngimɔ sising, ɔ ha fea wɔ yɔngamɔ nɛ wɔ li, latɛ pɛ ɔ bona, hio wi ha mɛla ɔ, nɛ ɔ ha yambala nɛ ngɔn nɛnɛ.

Jean 4:10

Jésus kiforo wen ha wɛnɛ: «Mɛ aing se mɔ ka Sɔ ngoy mɛ ha ha hio wi, nɛ mɛ aing se mi ka gɔ li ha kɔ mɛ, ki yo nê mɛ ka begɔ li ha kɔ mi, nɛ mi betɛ ha mɛ li ka ha tunɔ.»

Gbasamɔ 21:3

Mi zea ma gasa gɛl ka gboa ha solowan ha tɔa: «Sising, twa pɛ Sɔ tɛ bo ha soko hio wi. A bede le hinɛ mbwa, nɛ mbwa bedung nê kandɔ pɛa. Sɔ nɛ tɛ wa bedung hinɛ mbwa, nɛ a bedung nê Sɔ pɛ mbwa.

2 Korente 12:10

Mi nê mɔka wi, hio wi ha yaa mi, hio mɔ ha kɔpa mi, hio wi ha namala mi, nɛ hio yeksamɔ ha kpaa mi hazu mi nê pɛ Christ. Ma, mi nɛ totɛ ha zang mɔ ndɔng fɛt, hazu ka mi nɛ mɔkaa, mi nɛ ngatɛ.

2 Korente 11:27

Tɛ mi kata fɛt hazu ngatom pena tɛ mi. Ngimɔ nɛdɔka, mi tɛ kpa wal mɛ ɔ la na. Ngimɔ nɛdɔka mi fea wɔ, li nɛ yɔngamɔ kɔpa mi. Nɛ ngimɔ nɛdɔka la kɔpa mi, nɛ mi fea gangmɔ.

2 Korente 6:10

Hio wi ha haa ngɔtɛ ha ɔ, ma, ɔ ha dea totɛ swe fɛt. Ɔ dung tuka fabha wi, ma, ɔ ha yɛbhasa kpaamɔ pɛ hio dɔka wi. Ɔ dung tuka wi ka bo nɛ mɔ na, ma, ɔ kpaa mɔ fɛt kari.

Jean 11:35

Nɛ Jésus angara hea kwa.

Dede Wen hazu Jésus-Christ ka Luc ngɛraka 6:20

Jésus zɔka hio *wan-yambimɔ pɛa nɛ a tɔa ha mbwa: «Totɛ ha ɛnɛ ka dung nê fabha wi hazu ɛnɛ bedung hio wi mɔ *Kongakandɔ pɛ Sɔ.

Dede Wen hazu Jésus-Christ ka Luc ngɛraka 6:22

Totɛ ha ɛnɛ ka hio wi besɛn ɛnɛ, nɛ ka mbwa bemul ɛnɛ pi, nɛ ka mbwa beya ɛnɛ nɛ fɛngsi ling ɛnɛ, hazu mi, *Bewei pɛ Wi.