Dede Wen hazu Jésus-Christ ka Luc ngɛraka 6:19 - Takarata pɛ Sɔ Mbombe Mbon

¹⁹ Nɛ giliwi fɛt kio wal mɛ ndɔ tɛ wa, hazu ngatɛ mɛ karsi zɛlɛ gbo ha tɛ wa, nɛ a kpasasa hio wan-zɛlɛ fɛt.

Dede Wen hazu Jésus-Christ ka Luc ngɛraka 6:19 Referans Kwoze

Matthieu 14:36

Nɛ ɛ lokatɛ ha wɛnɛ nde, mbwa lɛma ndɔ sɔna nɛ ngbunzɛ-ngbunzɛ nu la pɛa. Nɛ wi ndɔng fɛt ka ndɔa yo, kpasa.

Marc 3:10

Hazu a kpasasa dɔka wan-zɛlɛ, mɛgi hio wan-zɛlɛ fɛt ha ilo may hazu tam tɛ wa.

Marc 6:56

Ha hio le ka Jésus yala ang fɛt, mana bebea, mana gasaa, mana nu fɔ, ɛ dungɔ ha gdea hio wan-zɛlɛ ha gbadɛl mɔ lea. Nɛ hio wi dungɔ ha lokatɛ ha Jésus nde, wɛnɛ agde hio wan-zɛlɛ andɔ ngbunzɛ-ngbunzɛ nu la pɛa sɔna. Nɛ wi ndɔng fɛt, ka ndɔa nu la pɛa, kpasa.

Marc 5:30

Nɛ ha ndangtɛ ngimɔ ɛngi, Jésus ingɔ nde, ma nu ngatɛ gboa ha tɛ wa. A kiforo tɛ ha soko gili nɛ anamɔ: «O ha ndɔ la pɔm o nde?»

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.

Marc 8:22

Jésus hinɛ hio *wan-yambimɔ pɛa hɔa ha le Betsaida. Nɛ hio wi kuo ma wan-gdɔka li tɛnɛ ha pɛa. Mbwa lokatɛ nde, wɛnɛ andɔ tɛ wa nɛ kpasisi wɛnɛ.

Deamɔ 19:12

Ɛ dungɔ ha kuo hio la gok zu nɛ hio ma bebe la, ka ndɔa tɛ Paul, gde ha zu wan-zɛlɛ. Mɛgi, hio zɛlɛ kara nɛ hio gdanga sɔtɛ fɛt gboa ha tɛ mbwa.

Dede Wen hazu Jésus-Christ ka Luc ngɛraka 5:17

Ma swe Jésus dungɔ ha osa mɔ, nɛ hio *Farizien nɛ hio *wan-osi mbonga dungɔnu hapɛtɛ wa. Mbwa guotɛ ha le fɛt mɔ Galile nɛ mɔ Judée nɛ ha Jérusalem. Nɛ Jésus dona nɛ ngatɛ pɛ *Kongawan Sɔ hazu kpasisi hio wan-zɛlɛ.

Dede Wen hazu Jésus-Christ ka Luc ngɛraka 6:18

Zugiliwi ndɔng tɛa hazu ze wen pɛ Jésus, nɛ hazu nde, wɛnɛ akarsi hio zɛlɛ pɛ mbwa. Nɛ Jésus kpasasa fin hio wi ka kpaa yeksamɔ ha kɔ gdanga sɔtɛ.