Dede Wen hazu Jésus-Christ ka Luc ngɛraka 5:30 - Takarata pɛ Sɔ Mbombe Mbon

³⁰ Ka hio *Farizien hinɛ hio *wan-osi mbonga zɔka mɛgi, sila mbwa yimɔ, nɛ mbwa tɔa ha hio *wan-yambimɔ pɛ Jésus: «Hazu ge ɛnɛ ha yɔngamɔ nɛ nɔ mɔ hinɛ hio wan-ndɛm mbɔli garama nɛ hio *wan-de gdangamɔ ge nde?»

Dede Wen hazu Jésus-Christ ka Luc ngɛraka 5:30 Referans Kwoze

Deamɔ 23:9

Hio wi fɛt angara gdɔra nɛ ngaya. Mɛgi, hio ma *wan-osi mbonga mɔ zugili Farizien, guotɛ nɛ mbwa sio kafɛ nɛ ngaya nɛ tɔa: «Ɔ tɛ kpa ma gdangamɔ ha tɛ wei kɛ ndang na. Mana ma telenge, mana ma sɔtɛ wolamɔ ha wɛnɛ.»

Dede Wen hazu Jésus-Christ ka Luc ngɛraka 19:7

Nɛ sila wi fɛt yimɔ, ka mbwa zɔka mɔ ɛngi, mbwa tɔa: «Mɛng, wɛnɛ lea twa pɛ *wan-de gdangamɔ mɛ ɔnu ang!»

Dede Wen hazu Jésus-Christ ka Luc ngɛraka 5:21

Hio Farizien nɛ hio wan-osi mbonga angara takara mɔ nɛ tɔa: «Wi kɛ ka fɛngsi Sɔ mɛgɛ, a ba tɛ wa tuka o? O lɛma bisi sɛmbɔ o nde? Yo ka nê Sɔ ndang sɔna!»

Dede Wen hazu Jésus-Christ ka Luc ngɛraka 5:17

Ma swe Jésus dungɔ ha osa mɔ, nɛ hio *Farizien nɛ hio *wan-osi mbonga dungɔnu hapɛtɛ wa. Mbwa guotɛ ha le fɛt mɔ Galile nɛ mɔ Judée nɛ ha Jérusalem. Nɛ Jésus dona nɛ ngatɛ pɛ *Kongawan Sɔ hazu kpasisi hio wan-zɛlɛ.

Marc 7:3

Hio Farizien nɛ hio zuife fɛt pama hio ndɔki deamɔ pɛ hio ngbabafa mbwa. Sɔngsi yɔngamɔ, lɛma nde mbwa atay kɔ mbwa nɛ saa.

Dede Wen hazu Jésus-Christ ka Luc ngɛraka 18:11

Farizien nɛa ha sɔngsi, a yola ha ngɔn, nɛ a gɔa Sɔ ha zang sila wa mɛgɛ: ‹Mi lukisi mɛ, Sɔ, hazu mi bo tuka hio mbinga na, tuka wanzu, gdanga wi, wan-de wanza, nɛ gbesi tuka wan-ndɛm mbɔli garama ɛngɛ na.

Dede Wen hazu Jésus-Christ ka Luc ngɛraka 7:39

Nɛ ka Farizien ɛngɛ ka saa Jésus, zɔka mɛgi, a takara ha sila wa nde, ka bo se nde, wi ɛngɛ abo nê *wan-tɔkuliwen, a ingɔ nde, bhoko ɛngɛ ka baa tɛ wa, nê bhoko-de mɔ nɛ tum.

Dede Wen hazu Jésus-Christ ka Luc ngɛraka 7:34

Ka mi, *Bewei pɛ Wi, hɔa, mi yɔnga nɛ nɔa mɔ. Nɛ ɛnɛ tɔa nde, mi nê wan-yɔngmɔ nɛdɔka nɛ wan-nguru dɔkɔ. Nɛ fin nde, mi de sɔy hinɛ hio *wan-de gdangamɔ nɛ hio wan-ndɛm mbɔli garama.

Matthieu 5:46

Ma, ka ɛnɛ ngoy sɔna nɛ wi ndɔng ka ngoy ɛnɛ, Sɔ bekɛ ɛnɛ mɛng? Hazu hio wan-ndɛm mbɔli garama ha dea fin gbesi.

Matthieu 9:11

Ka hio *Farizien zɔka mɛgi, mbwa ana hio wan-yambimɔ pɛa: «Wan-osimɔ pɛ ɛnɛ yɔng mɔ hinɛ hio wan-ndɛm mbɔli garama nɛ hio wan-de gdangamɔ hazu ge?»

Marc 2:16

Nɛ hio ma *Farizien, ka dung *wan-osi mbonga, zɔka nde, Jésus ha yɔngamɔ hinɛ hio wi ndɔng. Mbwa ana hio wan-yambimɔ pɛa: «Wɛnɛ yɔngmɔ hinɛ hio wan-ndɛm mbɔli garama nɛ hio wan-de gdangamɔ hazu ge?»

Marc 9:16

Nɛ wɛnɛ ana hio wan-yambimɔ pɛa: «Ɛngɛ nê nge wen, ka ɛnɛ sikafɛ hinɛ mbwa ge nde?»