Dede Wen hazu Jésus-Christ ka Luc ngɛraka 24:39 - Takarata pɛ Sɔ Mbombe Mbon

³⁹ Ɛnɛ zɔk kɔ mi nɛ nanga mi, yo nê mi nɛ tɛ mi! Ɛnɛ tam tɛ mi nɛ ɛnɛ bezɔk nde, mi nɛ mul nɛ gbala, ka sɔtɛ bo nɛ yo na.»

Dede Wen hazu Jésus-Christ ka Luc ngɛraka 24:39 Referans Kwoze

Jean 20:27

Hapata, a tɔa ha Thomas: «Mɛ yafifi ndɔng kɔ mɛ hakɛ, nɛ mɛ zɔk hio kɔ mi. Mɛ yafifi kɔ mɛ pi ha zang mbanzi mi. Mɛ lak sio kafɛ gde, ma, mɛ mɛkiri mi.»

1 Jean 1:1

Ɔ ngɛriki takarata ɛngɛ ha ɛnɛ hazu wi ɛngɛ ka ɛ sa nde, Wen ka ha tunɔ. Wɛnɛ ang nisi ha ngimɔ ka Sɔ dea nzan. Ɔ zea wen nu wa nɛ zala ɔ. Ɔ zɔka wɛnɛ nɛ li ɔ. Ɔ mbara wɛnɛ. Nɛ ɔ ndɔa tɛ wa nɛ kɔ ɔ.

Jean 20:20

Hapata wen ɛngɛ, a osa kɔ wa nɛ mbanzi wa ha mbwa. Mɛgi, hio wan-yambimɔ dea totɛ pentɛ hazu mbwa zɔka *Kongawan pɛ mbwa.

1 Tesalonike 5:23

Sɔ, wan-ha gaamɔ, alɛmsiri ɛnɛ nɛ nzɔya wɛɛ. Wɛnɛ apam sɔtɛ ɛnɛ, tunɔ pɛ ɛnɛ, nɛ kilitɛ ɛnɛ nɛdedea fɛt yu nde, ma wen betɛ dung ha zu ɛnɛ ha swe ka Kongawan pɛ ɔ, Jésus-Christ, bepe nɛ.

Hebro 12:9

Tazu ɔ agba nɛ hio bafa ɔ mɔ multɛ. Mbwa bandulsi ɔ, nɛ ɔ baa mbwa nɛ zioa. Tuka mɔ dung mɛgi, lɛma ka lɛm nde, ɔ ahil nɛ mɛndi ha si Bafa ɔ mɔ sɔtɛ tuka nde, ɔ adung nɛ zutunɔ.

Jean 20:25

Hio mbing wan-yambimɔ tɔa ha wɛnɛ: «Ɔ zɔka *Kongawan.» Ma, Thomas kiforo wen ha mbwa: «Ka mi zɔk sali pɔnde ha kɔ wa na, nɛ ka mi pi ndɔng kɔ mi ha zanga na, nɛ ka mi pi kɔ mi ha zang mbanzi wa na, mi lɛm mɛkiri wen pɛ ɛnɛ na.»

Deamɔ 1:3

Hapata fio pɛa, a dungɔ ha gbasa tɛ ha mbwa ha zang yala bhukɔa nar. A osa ha mbwa nɛ dɔka wal nɛtɛ-nɛtɛ nde, wɛnɛ nɛ zutunɔ. Nɛ wɛnɛ tɔa wen *Kongakandɔ pɛ Sɔ ha mbwa.

Dede Wen hazu Jésus-Christ ka Luc ngɛraka 23:46

Nɛ Jésus gdɔra nɛ ngagɛl: «Bafa mi, mi kuo sɔtɛ mi gde ha kɔ mɛ.» Hapata wen ndɔng, ɔmi pɛa kara.

Dede Wen hazu Jésus-Christ ka Luc ngɛraka 24:38

Ma, Jésus tɔa ha mbwa: «Ɛnɛ ha bhunzokoa hazu ge? Nɛ ɛnɛ dung nɛ kafɛ ha sila ɛnɛ hazu ge nde?

Dede Wen hazu Jésus-Christ ka Luc ngɛraka 24:40

Ka wɛnɛ dungɔ ha wola mɔ ndɔng, wɛnɛ osa kɔ wa nɛ nanga wa ha mbwa.