Dede Wen hazu Jésus-Christ ka Luc ngɛraka 23:43 - Takarata pɛ Sɔ Mbombe Mbon

⁴³ Jésus kiforo wen ha wɛnɛ: «Kpasawen, mi tɔ ha mɛ nde, swe mɛsɛ, mɛ bedung hinɛ mi ha dede le pɛ Sɔ.»

Dede Wen hazu Jésus-Christ ka Luc ngɛraka 23:43 Referans Kwoze

Gbasamɔ 2:7

«Wi fɛt ka bo nɛ zala mɛ ze mɔ, mbwa aze wen ka *Nzɔy-Sɔtɛ tɔ ha hio giliwi mɔ eglize. Wi fɛt ka began zu mɔ, mi beha waya te ka ha tunɔ nɛ ka dung ha dede le pɛ Sɔ ha mbwa yɔng.»

Dede Wen hazu Jésus-Christ ka Luc ngɛraka 19:10

Kpasawen, mi *Bewei pɛ Wi, tɛa hazu ki nɛ kpasisi ɛ ndɔng ka yɔa.»

Jean 14:3

Nɛ ka mi nɛa nɛ bhɔngiri bhandi kari, ki mi bekifiri tɛ kay ɛnɛ sinɛ, tuka nde, ɛnɛ adung fin ha bhandi ka mi bedung ang.

Hebro 7:25

Yo nê ɛngi, ka wɛnɛ lɛma mɛ kpasisi hireng hio wi ndɔng ka tiki nɛ sanga-sanga hapɛtɛ Sɔ nɛ wal wɛnɛ. Hazu wɛnɛ nɛ zutunɔ kpoo mɛ gɔ Sɔ hazu mbwa.

Jean 17:24

«Bafa mi, mɛ gdea wi ndɔng ha kɔ mi. Nɛ mi ngoya nde, mbwa adung hinɛ mi ha bhandi ka mi bedung ang, tuka nde, mbwa azɔk lɛkɛ-lɛkɛmɔ pɔm ka mɛ haa ha mi. Mɛ haa yo ha mi, hazu mɛ bangoy mi gde mɛ tɛ de ka nzan na.

Filipe 1:23

Hazu, mi ha soko mɔ bwa: Mi nɛ hɛl mɛ fe nde, mi adung hinɛ Christ, ɛngi nɛ dedea pentɛ pet.

2 Korente 5:8

Sila ɔ dona nɛ da, nɛ ɔ nɛ hɛl mɛ lak tɛ ɛngɛ gde, hazu nɛ nɛ dung hapɛtɛ Kongawan.

Dede Wen hazu Jésus-Christ ka Luc ngɛraka 23:42

Nɛ a tɔa fin: «Jésus, tazu mɛ agba nɛ mi ka mɛ betɛ bin tuka kongapora.»