Dede Wen hazu Jésus-Christ ka Luc ngɛraka 23:33 - Takarata pɛ Sɔ Mbombe Mbon

³³ Nɛ ka mbwa hɔa ha bhandi ka ɛ sa nde «Gbala Zu», hio wan-bibulo ngbaa Jésus hinɛ hio gdanga wi bwa ha hio getakate. Ndang ha wekɔ, nɛ ndang ha gare wa.

Dede Wen hazu Jésus-Christ ka Luc ngɛraka 23:33 Referans Kwoze

1 Pierre 2:24

Ha getakate, Christ nɛ pɛa tɛ kuo *sɛmbɔ pɛ ɔ gde ha tɛ wa. A dea mɛgi tuka nde, ɔ adung tuka fiowi ka lɛm de gdangamɔ fin na, nɛ nde, ɔ adung tuka tunɔ wi ka de mɔ ka dung nzeng ha li Sɔ. Ɛnɛ kpasa nɛ wal dalɛ ndɔng ka wɛnɛ baa.

Jean 18:32

Mɛgi, wen ka Jésus batɔ hazu osi nɛ wal fio ka wɛnɛ befe lɛmsara tɛ.

Galasi 3:13

Christ gbosasa ɔ ha si fomi pɛ mbonga. A guo yo ha zu ɔ gde ha zu wa. Tuka takarata pɛ Sɔ tɔa: «Fomi baa wi ɛngɛ ka ɛ gɛsa ha te.»

Deamɔ 13:29

Hapata, ka mbwa lɛmsara mɔ, ka ɛ ngɛraka ha zang takarata pɛ Sɔ ha zu Jésus, fɛt kari, mbwa zilso wɛnɛ ha getakate gde ha zang kɔfio.

Deamɔ 5:30

Yo nê ɛnɛ, ka ngbaa Jésus ha getakate gbɛ. Ma, Sɔ pɛ hio ngbabafa ɔ tunso wɛnɛ ha soko hio fiowi.

Deamɔ 2:23

Ɛ gdea Jésus ha kɔ ɛnɛ, nɛ ɛnɛ gbɛa wɛnɛ ha getakate nɛ wal kɔ wi ndɔng, ka mɛkiri Sɔ na. Mɔ hɔa mɛgi lɛm nɛ kpoa zuwen ka Sɔ babhɔngiri ha sila wa sɔngsi.

Jean 3:14

«Sɔngsi ha kpɛnu, Moïse bagu gɔk ka wɛnɛ dea nɛ bolo gde ha ngɔn ha zu tongolo. Lɛma nde, ɛ agu mi, Bewei pɛ Wi, gde ha ngɔn gbesi.

Dede Wen hazu Jésus-Christ ka Luc ngɛraka 24:7

A tɔa nde, dea ka de nde, ɛ agde *Bewei pɛ Wi ha kɔ hio *wan-de gdangamɔ mɛ ngba wɛnɛ ha getakate, nɛ zetar yala hapata, a begutɛ ha soko hio fiowi.»

Matthieu 26:2

«Ɛnɛ ingɔ nde, ha zang yala bwa, yenga *Pake behɔ. Ha ngimɔ ɛngi, ɛ begde mi, *Bewei pɛ Wi, ha kɔ hio wi hazu ngba mi ha getakate.»

Matthieu 20:19

nɛ mbwa begde mi ha kɔ hio wi ka bo nê *zuife na. Wi ndɔng bemam mi nɛ bezuri mi nɛ zambala. Nɛ mbwa bengba mi ha getakate. Ma, ha zetar yala, mi begutɛ ha soko hio fiowi.»