Dede Wen hazu Jésus-Christ ka Luc ngɛraka 22:66 - Takarata pɛ Sɔ Mbombe Mbon

⁶⁶ Ka mɔsaa, hio kotowi, hio gasa wan-hasadaka nɛ hio *wan-osi mbonga wesara may, hazu mbwa nê hio wan-kpo zuwen mɔ kandɔ zuife. Ɛ kuo Jésus nɛnɛ ha li mbwa.

Dede Wen hazu Jésus-Christ ka Luc ngɛraka 22:66 Referans Kwoze

Marc 15:1

Nɛ sutole sut, hio *wan-kpo zuwen fɛt, ka tɔ nde, hio gasa wan-hasadaka, hio kotowi nɛ hio *wan-osi mbonga, kpoa zuwen. Mbwa sanga kɔ Jésus nɛ mbwa kuo wɛnɛ nɛnɛ ha pɛ Pilate.

Matthieu 27:1

Nɛ sutole sut, hio gasa wan-hasadaka nɛ hio kotowi mɔ kandɔ *zuife kpoa zuwen mɛ gbɛ Jésus.

Deamɔ 22:5

*Wan-zu hio wan-hasadaka nɛ hio kotowi mɔ Jérusalem lɛma mɛkiri nde, wena nê tɛwen. Ka mi nɛa ha gasa le Damas, mbwa haa mi takarata ka osa ha hio wan-zu *twa gɔ Sɔ haki nde, mi nɛ ziomɔ mɛ sang hio wi pɛ Christ sinɛ ha Jérusalem hazu ndulsi mbwa.»

Matthieu 5:22

Ma, pɔm, mi tɔ ha ɛnɛ nde, wi ka de ngambi sungiri nɛ ya wa, ɛ begde wɛnɛ ha li kita. Nɛ ka ma wi sa ya wa nde, yera wi, ɛ begde wɛnɛ ha li hio *wan-kpo zuwen. Nɛ wi ka sa ya wa nde, wan-bili, ɛ begde wɛnɛ ha bhandi we ka bisi na.

Jean 18:28

Nɛ sutole sut, ɛ kuo Jésus ha twa pɛ Kaife nɛnɛ ha twa pɛ gɔfɔrma Pilate. Ma, hio wan-le *zuife ndɔng ka kuo wɛnɛ nɛnɛ, mbwa tɛ le twa pɛ gɔfɔrma na. Hazu mbwa ngoy mɛ dung nɛ saa ha li Sɔ, yu nde mbwa betɛ kɔpi yɔngamɔ yenga *Pake.