Dede Wen hazu Jésus-Christ ka Luc ngɛraka 22:29 - Takarata pɛ Sɔ Mbombe Mbon

²⁹ Yo nê ɛngi, ka mi begde *Kongakandɔ pɛ Sɔ ha kɔ ɛnɛ, tuka ka Bafa mi gdea yo ha kɔ mi.

Dede Wen hazu Jésus-Christ ka Luc ngɛraka 22:29 Referans Kwoze

2 Timothée 2:12

Ka ɔ ba sila ɔ ha zang yeksamɔ, ɔ bedung nê kongapora hinɛ wɛnɛ fin. Ka ɔ kafa wɛnɛ, a bekafi ɔ fin.

Matthieu 25:34

Nɛ mi, *Kongawan, betɔ ha wi ndɔng ha wekɔ mi: ‹Sɔ, Bafa mi, wola dede wen ha zu ɛnɛ. Mɛgi ɛnɛ tɛ tɛ kpa dede mɔ pɛ *Kongakandɔ pɛ Sɔ, ka wɛnɛ bhɔngara bingiri hazu ɛnɛ ha ngimɔ ka wɛnɛ dea nɛ nzan.

Jacques 2:5

Hio ya mi ka mi ngoya gdang, ɛnɛ ze nɛdedea: Sɔ weka hio fabha wi mɔ nzan nde, mbwa adung nê wan-kpamɔ nɛ wal mɛkara Jésus-Christ, nɛ nde, mbwa akpa Kongakandɔ pɛa, ka wɛnɛ bagɔn nua mɛ ha nɛ likɔ ha hio wi ka ngoy wɛnɛ.

Matthieu 28:18

Nɛ Jésus tiko tɛ hapɛtɛ mbwa nɛ tɔa: «Sɔ gdea ziomɔ fɛt ha zang ngɔn nɛ ha zu nu ha kɔ mi.

Matthieu 24:47

Kpasawen, mi tɔ ha ɛnɛ nde, a begde wan-tom ɛngɛ ha zu kpaamɔ pɛa fɛt.

Dede Wen hazu Jésus-Christ ka Luc ngɛraka 12:32

«Ɛnɛ ka dung tuka bebe zugili sami, ɛnɛ ayu ke na! Hazu Bafa ɛnɛ weka ɛnɛ mɛ dung hio wi mɔ Kongakandɔ pɛa.

Dede Wen hazu Jésus-Christ ka Luc ngɛraka 19:17

Kongapora tɔa ha wɛnɛ: ‹Nɛdedea, mɛ nê dede wan-tom. Mi begde mɛ ha zu le bhukɔ, hazu mɛ dungɔ nɛ mboazu ha bebe mɔ.›

1 Pierre 5:4

Ka ɛnɛ de mɛgi, wan-zu hio zaoro sami bekɛ ɛnɛ ha ngimɔ ka wɛnɛ begbasi tɛ wa. Yo tɔ nde, a beha ɛnɛ lɛkɛ-lɛkɛmɔ pɛa ka bebhɔn kpoo.

1 Korente 9:25

Hio wi fɛt ka de kpakpay, mbwa de mɔ fɛt hazu bhɔngiri tɛ mbwa nɛdedea tuka nde, mbwa agan ha dea kpakpay. Mbwa de yo hazu kpa kɛamɔ ka begdang nɛhasa. Ma, pɛ ɔ, ɔ de yo hazu kpa kɛamɔ ka bebhɔn kpoo.

2 Korente 1:7

Ɔ gde tazu ɔ fɛt ha tɛ ɛnɛ, hazu ɔ ingɔ nɛdedea nde, Sɔ ha yɔkala ɛnɛ nɛ ndangtɛ wal ka wɛnɛ yɔkili nɛ ɔ, hazu ɛnɛ ha kpaa ndangtɛ yeksamɔ ka kpa ɔ fin gbesi.

Gbasamɔ 21:14

Nanga ngeng kin ɛngɛ yol ha zu hio gasa ta bhukɔ gbala bwa. Nɛ ɛ gɔna ling hio *wan-nɛtom pɛ Besami bhukɔ gbala bwa ha tɛ hio ta ndɔng.

Matthieu 5:3

«Totɛ ha hio wi ndɔng, ka gde tazu mbwa ha tɛ Sɔ ndang sɔna, hazu mbwa bedung hio wi mɔ *Kongakandɔ pɛ Sɔ!

Matthieu 5:10

Totɛ ha hio wi ndɔng ka hio wi namili mbwa hazu mbwa de mɔ ka dung nzeng ha li Sɔ. Yo nê mbwa ka bedung hio wi mɔ Kongakandɔ pɛ Sɔ!

Matthieu 25:21

Wan pɛa tɔa ha wɛnɛ: ‹Nɛ dedea gdang, mɛ nê dede wan-tom nɛ mboazu. Mɛ dungɔ nɛ mboazu ha zu bebe mɔ, mɛgi mi begde mɛ ha zu dɔka mɔ. Mɛ tɛ, tɛ de totɛ hinɛ mi.›