Biblia Todo Logo
Bib sou entènèt

- Piblisite -




Dede Wen hazu Jésus-Christ ka Luc ngɛraka 22:19 - Takarata pɛ Sɔ Mbombe Mbon

19 Hapata Jésus baa mampa. A lukoso Sɔ hazua, a gbinɔ yo, nɛ haa yo ha mbwa. A tɔa: «Ɛngɛ nê tɛ mi, ka mi ha nɛ sadaka hazu ɛnɛ. Ɛnɛ de ɛngɛ mɛ gba tazu ɛnɛ nɛ mi.»

Gade chapit la Kopi




Dede Wen hazu Jésus-Christ ka Luc ngɛraka 22:19
27 Referans Kwoze  

Ha tabolo pɛ *Kongawan, ɔ wol dede wen ha zu kɔpɔ. Bo nê kɔpɔ ɛngɛ osi nde, ɔ ha dea sɔy hinɛ Christ nɛ wal tɔktɛ wa, na nde? Bo nê mampa ka ɔ gbin, osi nde, ɔ ha dea sɔy hinɛ Christ nɛ wal multɛ wa, na nde?


Hapata yɔngamɔ, Jésus baa fin kɔpɔ, nɛ tɔa: «Kɔpɔ ɛngɛ nê mbombe nɔa *mbon ha soko Sɔ nɛ wi. Yo nê mbon nɛ wal tɔktɛ mi ka sɛ ha wen zu ɛnɛ.»


Nɛ mbwa fɛt nɔa ndangtɛ li ka tɛa nɛ wal Sɔtɛ pɛ Sɔ. Mbwa nɔa li ha gogo ka naka pata mbwa nɛ wal Sɔtɛ pɛ Sɔ. Nɛ gogo ɛngɛ, yo nê Christ.


Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.


Ha getakate, Christ nɛ pɛa tɛ kuo *sɛmbɔ pɛ ɔ gde ha tɛ wa. A dea mɛgi tuka nde, ɔ adung tuka fiowi ka lɛm de gdangamɔ fin na, nɛ nde, ɔ adung tuka tunɔ wi ka de mɔ ka dung nzeng ha li Sɔ. Ɛnɛ kpasa nɛ wal dalɛ ndɔng ka wɛnɛ baa.


Ha zang deamɔ pɛ ɛnɛ fɛt, lɛma nde, ɛnɛ abhɔn ka ha ngoya hio ma ɛnɛ. Ɛnɛ de mɔ gbesi tuka Christ ka ngoya ɔ, nɛ ka fea gɔn zu ɔ. Fio pɛa dung tuka dede sadaka ka pɛla dung nɛ kuloa siing, nɛ ka ha totɛ ha Sɔ.


Tuka Sɔ, Bafa ɔ, ngoya, Christ fea gɔn zu hio *sɛmbɔ pɛ ɔ, hazu gbosisi ɔ ha gdanga nzan ɛngɛ mɔ sising yunɛ.


Mi nê yɔngamɔ ka ha tunɔ, ka zilo ha ngɔn tɛ. Wi ka beyɔng yo, bedung nɛ tunɔ kpoo. Yɔngamɔ ka mi beha, yo nê multɛ mi. Mi ha yo nde, hio wi mɔ nzan akpasi.»


Hapata Jésus dungɔ ha tabolo hinɛ mbwa. A baa mampa, a wola dede wen ha zua nɛ gbinɔ yo ha mbwa.


Hapata a haa nu nde, hio wi fɛt adungnu ha zu ndungulu. A kuo mampa ndɔng mɔrkɔ nɛ kɔyɔ bwa. A guoli ha ngɔn nɛ wola dede wen ha zua. A gbinɔ yo ha hio wan-yambimɔ nɛ mbwa kapana yo ha giliwi.


Hio ma sɔngu guotɛ ha le Tiberiade nɛ hɔa sanga-sanga nɛ bhandi ka *Kongawan Jésus lukoso Sɔ ha zu mampa ka giliwi yɔnga.


Nɛ Jésus baa kɔpɔ, a lukoso Sɔ hazua, nɛ tɔa: «Ɛnɛ ba kɔpɔ ɛngɛ, nɛ kapini ha soko may.


Ɛnɛ aha oeba ha Sɔ ha zang mɔ fɛt. Hazu Sɔ ngoya nde, ɛnɛ ka de sɔy hinɛ Jésus-Christ, ɛnɛ ade mɛgi.


Agar dung tuka ngari Sinai ha kandɔnu Arabi. A dung fin tuka gasa le Jérusalem mɔ ngimɔ sising, hazu hio wi mɔ lea fɛt nê hio bala.


Hapata a baa hio mampa mɔrkɔ zanga bwa nɛ hio kɔyɔ ndɔng. A lukoso Sɔ hazua, nɛ a gbinɔ yo ha hio wan-yambimɔ, nɛ mbwa kapana yo ha hio giliwi.


Swiv nou:

Piblisite


Piblisite