Dede Wen hazu Jésus-Christ ka Luc ngɛraka 22:12 - Takarata pɛ Sɔ Mbombe Mbon

¹² A beosi ha ɛnɛ ma pɛsa zang twa ha ngɔn, mɔ fɛt ha zanga. Haki ɛnɛ begi yɔngamɔ.»

Dede Wen hazu Jésus-Christ ka Luc ngɛraka 22:12 Referans Kwoze

Deamɔ 1:13

Nɛ ka mbwa hɔa haki, mbwa danga nɛ ha pimbi ha ngɔn mɔ twa ka mbwa dungɔ mɛ wesiri may ang. Wi ndɔng nê: Pierre, Jean, Jacques, André, Philippe, Thomas, Barthélemy, Matthieu, Jacques bewei pɛ Alfe, Simon ka ɛ sa nde «Wan-yin gɛnɛ kongawan», hinɛ Jude bewei pɛ Jacques.

Jean 2:25

Ma wi ndang lɛm tɔ goto deamɔ pɛ wi ha Jésus na, hazu wɛnɛ nɛ tɛ wa ingɔ mɔ ka dung ha zang sila wi fɛt.

Deamɔ 20:8

Hio lamba dungɔ nɛdɔka ha zang gdɔku ha ngɔn mɔ kuso twa, ka ɔ wesara may ang.

Jean 21:17

Hapata, Jésus ana wɛnɛ ha zetara: «Simon bewei pɛ Jean, mɛ ngoya mi nde?» Ngɔtɛ dea Pierre hazu Jésus ana wɛnɛ tɛ bo zetar nde, Simon mɛ ngoya mi nde? Mɛgi, Pierre kiforo wen ha wɛnɛ: «Kongawan, mɛ ingɔ mɔ fɛt, nɛ mɛ ingɔ nde, mi ngoya mɛ.» Jésus tɔa ha wɛnɛ: «Mɛ day hio sami pɔm.

Dede Wen hazu Jésus-Christ ka Luc ngɛraka 22:11

Ɛnɛ tɔ ha wan-twaa: ‹Wan-osimɔ pɛ ɔ ani mɛ nde, zang twa ka wɛnɛ nɛ hio *wan-yambimɔ pɛa beyɔngmɔ Pake ang ha ndo?›

Dede Wen hazu Jésus-Christ ka Luc ngɛraka 22:13

Hio wan-yambimɔ ndɔng pena, nɛ kpaa mɔ fɛt tuka ka Jésus tɔa nɛ ha mbwa. Nɛ mbwa gio yɔngamɔ Pake haki.