Dede Wen hazu Jésus-Christ ka Luc ngɛraka 20:47 - Takarata pɛ Sɔ Mbombe Mbon

⁴⁷ Mbwa yɔng likɔ pɛ hio nagula fɛt. Nɛ mbwa gɔ Sɔ ndɛliɛɛ nɛ peali tuka nde, hio wi azɔk mbwa tuka *nzeng wi. Hazu ɛngi, Sɔ begɔn kita ba mbwa nɛngaya pen hio olo wi.»

Dede Wen hazu Jésus-Christ ka Luc ngɛraka 20:47 Referans Kwoze

Marc 12:40

Ma, mbwa yɔng likɔ pɛ hio nagula fɛt. Nɛ mbwa gɔ Sɔ ndɛliɛɛ nɛ peali tuka nde, hio wi azɔk mbwa tuka *nzeng wi. Hazu ɛngi Sɔ begɔn kita ba mbwa nɛngaya pen hio olo wi.»

Jacques 3:1

Hio ya mi, ka dɔka wi ha soko ɛnɛ aki wal mɛ dung wan-osimɔ ha wal mɔ Sɔ na. Hazu ɛnɛ ingɔ nde, Sɔ begɔn kita ha zu ɔ, hio wan-osimɔ, nɛngaya pen pɛ hio mbingwi.

Tite 1:16

Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

Dede Wen hazu Jésus-Christ ka Luc ngɛraka 12:1

Ha ngimɔ ɛngi, dɔka giliwi pentɛ pet wesara may zikiri Jésus, kanɛ mbwa umɔ zu nanga may. Ha angara wen, Jésus mboa hio *wan-yambimɔ pɛa: «Ɛnɛ pangay nɛ yina hasisi mampa pɛ hio Farizien. Yo tɔ nde, ɛnɛ atɛ wan-dambari tuka mbwa na.

Matthieu 23:13

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ gdɔka wal ka le ha *Kongakandɔ Ngɔn ha hio wi. Ɛnɛ nɛ pɛ ɛnɛ tɛ le haki na, nɛ ɛnɛ ha dola hio wi ka ngoy le haki. [

1 Tesalonike 2:5

Ɛnɛ ingɔ nde, ɔ tɛ wolmɔ ha ɛnɛ nɛ mbɔlɛ na, nɛ ɔ tɛ ndɔmbili ɛnɛ hazu kpa ma mɔ ha kɔ ɛnɛ na. Sɔ nê wan-kɛwen pɛ ɔ.

Matthieu 23:14

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Ɛnɛ yɔng likɔ pɛ hio nagula fɛt. Nɛ ɛnɛ gɔ Sɔ ndɛliɛɛ nɛ peali tuka nde, hio wi azɔk ɛnɛ tuka *nzeng wi. Hazu ɛngi, Sɔ begɔn kita ha zu ɛnɛ nɛngaya pen hio olo wi.]

Dede Wen hazu Jésus-Christ ka Luc ngɛraka 20:46

«Ɛnɛ pangay nɛ hio wan-osi mbonga hazu mbwa ngoy yala nɛ dede bɔya la ha tɛ mbwa. Nɛ mbwa ngoy nde, hio wi afan mbwa ha liwal. Mbwa ngoy fin kpaa hio bosi kiti ha hio *twa gɔ Sɔ nɛ ha hio bhandi fada.

Dede Wen hazu Jésus-Christ ka Luc ngɛraka 21:1

Ha zang *gasa twa Sɔ Jésus ha mbara mɔ, nɛ a zɔka hio wan-kpamɔ ha pio mbɔli ha zang kubha wesiri mbɔli.