Dede Wen hazu Jésus-Christ ka Luc ngɛraka 20:21 - Takarata pɛ Sɔ Mbombe Mbon

²¹ Wi ndɔng ana wɛnɛ: «Wan-osimɔ, ɔ ingɔ nde, wolamɔ nɛ osamɔ pɛ mɛ nɛ nzeng. Nɛ fin, mɛ gba soko hio wi na, ma, mɛ ha osa ngbak mɔ, ka Sɔ ngoya nde ɔ ade.

Dede Wen hazu Jésus-Christ ka Luc ngɛraka 20:21 Referans Kwoze

Matthieu 22:16

Mbwa tomsa hio ma *wan-yambimɔ pɛ mbwa nɛ hio ma ngali pɛ Herode ha pɛ Jésus mɛ tɔ ha wɛnɛ: «Wan-osimɔ, ɔ ingɔ nde, mɛ nê wan-tɔ tɛwen, ka osi ngbak mɔ, ka Sɔ ngoya nde ɔ ade. Mɛ yu ke li ma wi na, nɛ mɛ de mɔ hazu pea li wi na.

Galasi 1:10

Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

2 Korente 2:17

Dɔka wi ku Wen pɛ Sɔ de nɛ gɛnɛ, ma, pɛ ɔ, ɔ de mɛgi na. Yo nê Sɔ ha tomsi ɔ, nɛ ɔ ha dea sɔy hinɛ Christ. Mɛgi ɔ bul wen nɛ saa sila ha li Sɔ.

Jean 3:2

Ma zɛ, a nɛa ha pɛ Jésus, nɛ a tɔa ha wɛnɛ: «Wan-osimɔ, ɔ ingɔ nde, yo nê Sɔ ka tomsa mɛ hazu osimɔ ha ɔ. Hazu, ka ngatɛ pɛ Sɔ bo ha tɛ ma wi na, ki a lɛm de hio *mɔweka tuka ka mɛ ha dea na.»

Marc 12:14

Mbwa tɛa tɛ tɔ ha wɛnɛ: «Wan-osimɔ, ɔ ingɔ nde mɛ nê wan-tɔ tɛwen, ka yu ke li ma wi na, nɛ mɛ de mɔ hazu pea li wi na. Mɛ ha osa ngbak mɔ, ka Sɔ ngoya nde ɔ ade. Mɛ tɔ ha ɔ, *mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»

Galasi 2:6

Hio wi mɔ zu eglize, mbwa tɛ ha nu ha mi nde, mi akpalsi deamɔ pɔm, na. Ka bo nê pɛ hio wi mɔ zu eglize, ɔ ingɔ nde, Sɔ gba soko hio wi na. Mɛgi, ngase mbwa badung mɛng, yo dung tuka gbelemɔ ha li mi.

Dede Wen hazu Jésus-Christ ka Luc ngɛraka 20:20

Mɛgi, mbwa bhɔna ka ha mbara wɛnɛ. Nɛ wuso, mbwa tomsa hio ma wi ka de mbɔlɛ nde, mbwa nê *nzeng wi. Mbwa ngoya ki nu wa nde, wɛnɛ atɔ ma wen ka lɛma mɛ gde wɛnɛ ha kɔ ziomɔ pɛ gɔfɔrma.

Dede Wen hazu Jésus-Christ ka Luc ngɛraka 20:22

Mɛ tɔ ha ɔ, mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»