Dede Wen hazu Jésus-Christ ka Luc ngɛraka 20:13 - Takarata pɛ Sɔ Mbombe Mbon

¹³ Mɛgi wan-fɔ tɔa: ‹Mi bede mɛng? Mi betomsi bewei pɔm ka mi ngoya gdang. Mana mbwa beyu ke wa.›

Dede Wen hazu Jésus-Christ ka Luc ngɛraka 20:13 Referans Kwoze

Matthieu 3:17

Ma gɛl gboa ha liswe nɛ tɔa: «Wi kɛ nê bewei pɔm ka mi ngoya gdang. Wɛnɛ gdea totɛ ha sila mi.»

Galasi 4:4

Ma, ka ngimɔ ka Sɔ baweki lɛma kari, a tomsa Bewei pɛa. Bhoko bhɛa wɛnɛ, nɛ a dungɔ ha si *mbonga pɛ Moïse.

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

Jean 1:34

Hazu mi zɔka mɔ mɛgi, mi gbasi wen ha ɛnɛ nde, wi kɛ nê *Bewei pɛ Sɔ.»

Dede Wen hazu Jésus-Christ ka Luc ngɛraka 9:35

Nɛ ma gɛl gboa ha zang kutu nɛ tɔa: «Wi kɛ nê Bewei pɔm ka mi weka. Ɛnɛ ze nu wa!»

Matthieu 17:5

Ka wɛnɛ boka ha wolamɔ, ma lɛkɛ-lɛkɛ buswe tɛa tɛ gok mbwa nɛ simɔa. Ma gɛl gboa ha soko buswe nɛ tɔa: «Wi kɛ nê Bewei pɔm ka mi ngoya gdang. Mi gdea sila mi ha tɛ wa. Ɛnɛ ze nu wa!»

Dede Wen hazu Jésus-Christ ka Luc ngɛraka 18:2

A tɔa: «Ha ma le, ma wan-gɔn kita dungɔ se ang. A yu ke Sɔ na, nɛ a ing sulo tɛ ma wi ndang na.

Dede Wen hazu Jésus-Christ ka Luc ngɛraka 18:4

Ngimɔ nɛzikoa wan-gɔn kita kafa, ma, nɛ kpogioa a tɔa ha sila wa: ‹Ngase mi yu ke Sɔ na, nɛ mi ing sulo tɛ wi na,

Dede Wen hazu Jésus-Christ ka Luc ngɛraka 20:12

A tomsa fin zetar wan-nɛtom. Nɛ mbwa kɔmbara wɛnɛ pi ha dɛl.

Dede Wen hazu Jésus-Christ ka Luc ngɛraka 20:14

Ma, ka hio wan-tom fɔ zɔka wɛnɛ, mbwa tɔa ha soko may: ‹Wan-ba likɔ ga. Ɔ agbɛ wɛnɛ ka ɔ akay likɔ fɛt.›