Dede Wen hazu Jésus-Christ ka Luc ngɛraka 20:10 - Takarata pɛ Sɔ Mbombe Mbon

¹⁰ Ka ngimɔ bhio waya vigne lɛma, a tomsa ma *wan-nɛtom pɛa nɛ ha pɛ hio wan-tom fɔ, hazu ku bhalkɔ wayate ka dung nɛ pɛa. Ma, hio wan-tom fɔ baa wɛnɛ mɛl, nɛ yinɔ wɛnɛ si nɛ gele kɔ.

Dede Wen hazu Jésus-Christ ka Luc ngɛraka 20:10 Referans Kwoze

Rome 7:4

Hio ya mi, yo fin gbesi nɛ ɛnɛ. Ɛnɛ tɛ bo nê hio fiowi ha li mbonga, hazu Christ fea gɔn nɛ zu ɛnɛ. Sising, ɛnɛ nê hio wi pɛ Christ, ka Sɔ guo wɛnɛ ha soko hio fiowi. Yo nê ɛngi, ka ɔ lɛma mɛ de dede tom ha Sɔ.

Jean 15:16

Yo bo nê ɛnɛ ka weka mi tuka wan-osimɔ na. Ma, yo nê mi ka weka ɛnɛ tuka nde, ɛnɛ anɛ nɛ way waya ka bebhɔn kpoo. Mɛgi, Bafa mi beha ɛnɛ mɔ fɛt ka ɛnɛ beani nɛ ling mi.

Dede Wen hazu Jésus-Christ ka Luc ngɛraka 13:34

«Woo Jérusalem! Woo Jérusalem! Ɛnɛ, hio wi mɔ Jérusalem, ɛnɛ ha gbɛa hio wan-tɔkuliwen, ɛnɛ ha loa nɛ ta hio wan-nɛkasara pɛ Sɔ gbɛ. Mi ngoya mɛ gok ɛnɛ tuka nana gɔlɛ gok nɛ hio bea. Ma, ɛnɛ tɛ ngoy na.

Dede Wen hazu Jésus-Christ ka Luc ngɛraka 20:9

Hapata, Jésus tɔa towen ɛngɛ ha hio wi: «Ma wi bagun se te vigne ha fɔ pɛa. A gdea yo ha kɔ hio ma wan-tom fɔ, nɛ a nɛa gɛnɛ ngimɔ nɛzikoa.

Dede Wen hazu Jésus-Christ ka Luc ngɛraka 20:11

Wan-fɔ tomsa fin ma mbing wan-nɛtom. Ma, mbwa mɛla fin wɛnɛ, fɛngsa wɛnɛ nɛ yinɔ wɛnɛ si nɛ gele kɔ.