Dede Wen hazu Jésus-Christ ka Luc ngɛraka 19:47 - Takarata pɛ Sɔ Mbombe Mbon

⁴⁷ Jésus dungɔ swe fɛt ha osamɔ ha zang gasa twa Sɔ. Nɛ hio gasa wan-hasadaka, hio *wan-osi mbonga nɛ hio kotowi kio wal mɛ gbɛ wɛnɛ.

Dede Wen hazu Jésus-Christ ka Luc ngɛraka 19:47 Referans Kwoze

Marc 11:18

Nɛ ka hio gasa wan-hasadaka nɛ hio *wan-osi mbonga zea mɔ ɛngɛ, mbwa kio wal mɛ gbɛ Jésus. Ma, mbwa yuo ke hazu osamɔ pɛ Jésus gbinɔ gbalatɛ giliwi fɛt ka zea yo.

Matthieu 26:55

Nɛ Jésus tɔa ha giliwi: «Mi nê nagbɛwi mɛ tɔ nde, ɛnɛ atɛ nɛ gbapa nɛ mbiti te mɛ ba nɛ mi nde? Mi dungɔ ha soko ɛnɛ yala ndang ndang fɛt ha osamɔ ha zang *gasa twa Sɔ, nɛ ɛnɛ tɛ ba mi na.

Jean 18:20

Jésus kiforo wen ha wɛnɛ: «Pɔm, mi wolamɔ ha li hio wi fɛt long. Swe fɛt mi dungɔ ha osamɔ ha hio *twa gɔ Sɔ, nɛ ha zang *gasa twa Sɔ ka hio *zuife fɛt dungɔ mɛ wesiri may ang. Mi tɛ tɔ ma wen nɛ wuso na.

Jean 10:39

Nɛ mbwa kio fin wal mɛ ba Jésus. Ma, a kpɔya ha kɔ mbwa pen.

Jean 7:44

Hio ma ngoya ba Jésus mɛ pi ha zɔbhɔ. Ma, ma wi ndang tɛ gde kɔ ha tɛ wa na.

Jean 7:19

Bo nê Moïse baha ɛnɛ mbonga na nde? Ma, ma wi ndang ha soko ɛnɛ ka de mɔ lɛm nɛ mbonga ɛngɛ bona. Ɛnɛ ngoy gbɛ mi hazu ge?»

Marc 14:1

Mɛgi, yo ngbɔla yala bwa mɛ de yenga *Pake nɛ yenga yɔng mampa ka ha na. Nɛ hio gasa wan-hasadaka nɛ hio *wan-osi mbonga dungɔ ha kio wal mɛ ba Jésus nɛ wuso mɛ gbɛ.

Marc 12:12

Hio gasa wan-hasadaka, hio *wan-osi mbonga nɛ hio kotowi ingɔ nɛdedea nde, Jésus tɔa towen ɛngɛ sungiri nɛ mbwa. Yo nê ɛngi ka mbwa ha kio wal mɛ ba wɛnɛ. Ma, mbwa yuo ke giliwi. Mɛgi, mbwa pena lak wɛnɛ gde.

Matthieu 21:23

Jésus lea *gasa twa Sɔ, nɛ ka wɛnɛ ha osamɔ, hio gasa wan-hasadaka nɛ hio kotowi mɔ kandɔ *zuife tiko tɛ hapɛtɛ wa, nɛ mbwa anamɔ: «Mɛ de mɔ ndɔng nɛ nge ziomɔ ge nde? Yo nê o ka ha mɛ ziomɔ ɛngɛ, o nde?»

Marc 14:49

Mi dungɔ ha soko ɛnɛ yala ndang ndang fɛt ha osamɔ ha zang *gasa twa Sɔ, nɛ ɛnɛ tɛ ba mi na. Ma, yo hɔa mɛgi, tuka nde, mɔ ka ɛ bangɛriki ha zang takarata pɛ Sɔ alɛmsiri tɛ.»

Dede Wen hazu Jésus-Christ ka Luc ngɛraka 19:48

Ma, mbwa kpa wal na, hazu hio wi fɛt ha lɛnga zala mɛ ze Jésus nɛkpasa.

Dede Wen hazu Jésus-Christ ka Luc ngɛraka 20:19

Hio *wan-osi mbonga nɛ hio gasa wan-hasadaka kio wal mɛ ba Jésus ha ndangtɛ ngimɔ ɛngi, hazu mbwa ingɔ nde, a tɔa wen ɛngɛ sungiri mbwa. Ma, mbwa yuo ke hio wi mɛ le.