Dede Wen hazu Jésus-Christ ka Luc ngɛraka 19:44 - Takarata pɛ Sɔ Mbombe Mbon

⁴⁴ Mbwa beyangili mɛ nɛ hio ngali pɛ mɛ fɛt gde nɛ gbutunu. Mbwa lɛm lak gde ma ta pɛ mɛ ha zu ma ta ndang na. Hazu mɛ tɛ ing ngimɔ ka Sɔ tɛa tɛ gbakiri mɛ na.»

Dede Wen hazu Jésus-Christ ka Luc ngɛraka 19:44 Referans Kwoze

Dede Wen hazu Jésus-Christ ka Luc ngɛraka 21:6

«Ma ngimɔ betɛ ka ɛ beyangili mɔ fɛt, ka ɛnɛ zɔk hakɛ. Ma ta ndang lɛm bhɔn ha zu ma ta na.»

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

Dede Wen hazu Jésus-Christ ka Luc ngɛraka 19:42

A tɔa: «Ka bo nde, mɛ fin aing swe mɛsɛ mɔ ka ha gaamɔ, ki yo dea se. Ma, sising yo wuso tɛ ha li mɛ.

Dede Wen hazu Jésus-Christ ka Luc ngɛraka 1:68

«Ɔ lukisi *Kongawan Sɔ, pɛ kandɔ *Israel, ka tɛa ha kandɔ pɛa, nɛ wɛnɛ yanga ɔ. Kongawan Sɔ tomsa ha ɔ gasa *wan-kpasisi ɔ fɛt.

Matthieu 24:2

A kiforo wen ha mbwa: «Ɛnɛ zɔka mɔ ndɔng fɛt nde? Kpasawen, mi tɔ ha ɛnɛ nde, hakɛ, ma ta ndang lɛm bhɔn ha zu ma ta na. Yo fɛt betukili mburr.»

Dede Wen hazu Jésus-Christ ka Luc ngɛraka 1:78

Kpasawen sila Sɔ pɛ ɔ de kobhe tɛ ɔ nɛdɔka. Gasa Sɔ betomsi ha ɔ dede wan-kpasisi, ka dung tuka gasa saamɔ, ka guotɛ ha ngɔn.

Marc 13:2

Mɛgi, Jésus kiforo wen ha wɛnɛ: «Mɛ lukoso yanga-yenge twa ɛngɛ, ma hakɛ, ma ta ndang lɛm bhɔn ha zu ma ta na. Ɛ begbin yo a ha nu mburr.»