Dede Wen hazu Jésus-Christ ka Luc ngɛraka 18:22 - Takarata pɛ Sɔ Mbombe Mbon

²² Ka Jésus zea wen ndɔng, a tɔa ha wɛnɛ: «Mɔ ndang ngbɔla ka mɛ tɛ de na. Mɛ gdongi hio mɔ pɛ mɛ fɛt, nɛ mɛ kapini mbɔlia ha hio fabha wi. Mɛgi mɛ bekpa dɔka kpaamɔ ha zang ngɔn. Nɛ mɛ tɛ tɛ ndari mi.»

Dede Wen hazu Jésus-Christ ka Luc ngɛraka 18:22 Referans Kwoze

Dede Wen hazu Jésus-Christ ka Luc ngɛraka 12:33

Ɛnɛ gdongi kpaamɔ pɛ ɛnɛ, nɛ ha mbɔlia ha hio fabha wi! Ɛngɛ nê wal mɛ wesiri kpaamɔ pɛ ɛnɛ gde ha zang ngɔn. Nɛ ngobho mbɔli mɔ ngɔn lɛm gdɔy na. Hazu ha ngɔn, mɔ bedung nɛ dedea kpoo, wanzu lɛm zu yo na, nɛ nzɛmɛ lɛm gdangsi yo na.

Matthieu 19:21

Jésus tɔa ha wɛnɛ: «Ka mɛ ngoy lɛm wɛɛ, mɛ nɛ, nɛ gdongi mɔ pɛ mɛ fɛt, mɛ kapini mbɔlia fɛt ha hio fabha wi. Mɛgi mɛ bekpa kpaamɔ ha zang ngɔn. Hapata mɛ tɛ tɛ ndari mi!»

Dede Wen hazu Jésus-Christ ka Luc ngɛraka 16:9

«Nɛ mi tɔ ha ɛnɛ nde, ɛnɛ aku kpaamɔ mɔ nzan de nɛ dedemɔ ha tɛ hio wi nde, ɛnɛ atɛ dede dan mbwa. Mɛgi, ha ngimɔ ka yo bekari, Sɔ beba ɛnɛ nɛ dede kɔ ha twa pɛa kpoo.»

Dede Wen hazu Jésus-Christ ka Luc ngɛraka 10:42

Ma, ma mɔ ndang ang ka lɛma nde, mɛ agbɛngsi tɛ mɛ ha wena. Yo nê Marie ka weka dede mɔ ɛngɛ, nɛ ma wi lɛm zin yo ha kɔ wa na.»

2 Pierre 3:8

Ma, hio ndɔngsila mi, lɛm nde, tazu ɛnɛ abisi nɛ mɔ mɛgɛ na: Ha li Kongawan, yala ndang dung tuka bɛlɛ tomay ndang, nɛ bɛlɛ tomay ndang dung fin tuka yala ndang.

Filipe 3:13

Hio ya mi, mi tɛ takiri nde, mi lɛmsara yo kari, na. Ma, mɔ ka mi de, yo nê ɛngɛ: Mi takiri ha mɔ ha gdong mi fin na, nɛ mi ha gbɛngsa tɛ mi mɛ kpa mɔ ka dung ha li mi.

Dede Wen hazu Jésus-Christ ka Luc ngɛraka 9:23

Nɛ wɛnɛ tɔa ha wi fɛt: «Ka ma wi ngoy ndari mi, wɛnɛ akafi wɔ mɔ nzan fɛt, wɛnɛ agu getakate pɛa yala ndang ndang fɛt, nɛ wɛnɛ andari mi.

Dede Wen hazu Jésus-Christ ka Luc ngɛraka 18:21

Gasa wi ɛngɛ kiforo wen: «Mi pama mbonga ndɔng fɛt, angiri ha ngimɔ pɔlɔmbɔ tɛ kanɛ sising.»

Dede Wen hazu Jésus-Christ ka Luc ngɛraka 18:23

Nɛ ka wɛnɛ zea mɛgi, a kpaa gasa ngɔtɛ ha sila wa hazu wɛnɛ nɛ dɔka kpaamɔ.