Dede Wen hazu Jésus-Christ ka Luc ngɛraka 17:24 - Takarata pɛ Sɔ Mbombe Mbon

²⁴ Hazu yala ka mi, Bewei pɛ Wi, bekifiri, dung tuka piolikolo ka baa ha liswe zikiri hɛrr.

Dede Wen hazu Jésus-Christ ka Luc ngɛraka 17:24 Referans Kwoze

Matthieu 24:27

Hazu mi, *Bewei pɛ Wi, betɛ gbesi tuka piolikolo ka baa ha liswe zikiri hɛrr.

Matthieu 24:30

Ha ngimɔ ɛngi, ɛ bezɔk ma *mɔweka ha liswe, ka gbasi nde, mi, Bewei pɛ Wi ha tɛa. Nɛ hio kandɔ fɛt ha nu behe kwa. Mbwa bezɔk mi, Bewei pɛ Wi, ha tɛa ha zu buswe nɛ ziomɔ, nɛ gasa *lɛkɛ-lɛkɛmɔ.

2 Pierre 3:10

Kpasawen, swe ka Kongawan bepe nɛ, behɔ tuka wanzu. Ha swe ɛngi, ngɔn bepen nɛ gdanga gisi, hio mɔ ngɔn fɛt bebhondi ha we, nɛ hio mɔ fɛt ka dung ha zu nu beyɛmili.

Jacques 5:8

Ɛnɛ fin, ɛnɛ dung nɛ yikosila gbesi. Ɛnɛ ba da hazu hɔa pɛ Kongawan tɛ bo sanga.

2 Tesalonike 2:2

ka takaramɔ pɛ ɛnɛ abhunziki nɛhasa na, nɛ ka ɛnɛ ayaksi na. Hazu hio ma wi ha tɔa wen nde, swe ka Kongawan bepe nɛ hɔa kari. Mbwa ha tɔa nde, wen ɛngɛ tɛ nɛ wal *Nzɔy-Sɔtɛ, mana nɛ wal ma wen nu ɔ, mana nɛ wal ma takarata ka ɔ tomsa.

1 Tesalonike 5:2

Hazu ɛnɛ nɛ pɛ ɛnɛ tɛ ingɔ nɛdedea nde, ma wi ndang ing swe ka Kongawan bepe nɛ na, hazu a behɔ tuka wanzu ka hɔ nɛ zɛ.

2 Tesalonike 2:8

Ha ngimɔ ɛngi Wan-kafi mbonga begbasi tɛ. Nɛ Kongawan Jésus begbɛ wɛnɛ nɛ bubu nu wa, nɛ a beyangili wɛnɛ nɛ yolo lɛkɛ-lɛkɛ gbasa tɛ pɛa.

Matthieu 26:64

Jésus kiforo wen ha wɛnɛ: «Ey, mɛ tɔa yo. Mi tɔ ha ɛnɛ fin nde, ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zu buswe.»

Matthieu 25:31

«Ha ngimɔ ka mi, *Bewei pɛ wi, betɛ hinɛ hio nzɔy *telenge ha zang *lɛkɛ-lɛkɛmɔ pɔm, mi bedung ha zu lɛkɛ-lɛkɛ solowan pɔm.

Matthieu 5:15

Tuka ɛngi, ma wi ndang gde we ha lamba nɛ gde yo ha si kpana na. Ma, a beku yo gde ha zu solo lamba, tuka nde, hio wi ha zang twa azɔk saamɔa.

1 Korente 1:8

Nɛ yo ka fin nê wɛnɛ ka beha ɛnɛ ngatɛ mɛ zati ngi-ngi-ngi hɔ ha kpogio. Mɛgi, ha ngimɔ ka Kongawan pɛ ɔ, Jésus-Christ bekifiri, ma wen lɛm dung ha zu ɛnɛ na.