Dede Wen hazu Jésus-Christ ka Luc ngɛraka 16:25 - Takarata pɛ Sɔ Mbombe Mbon

²⁵ Nɛ Abraham tɔa: ‹Bem pɔm, tazu mɛ agba nde, ha ngimɔ tunɔ pɛ mɛ ha nu, mɛ kpaa dedemɔ pɛ mɛ kari. Ma, Lazare dungɔ pɛa nɛ ngɔtɛ. Sising ɛ ha yɔkala wɛnɛ hakɛ, ma, pɛ mɛ, mɛ ha yɔnga nzata.

Dede Wen hazu Jésus-Christ ka Luc ngɛraka 16:25 Referans Kwoze

Dede Wen hazu Jésus-Christ ka Luc ngɛraka 6:24

Ma, ngɔtɛ ha ɛnɛ hio wan-kpamɔ, hazu ɛnɛ kpaa mɔ gasisi sila ɛnɛ kari.

1 Jean 2:15

Ka ɛnɛ angoy ngase nzan, ngase hio mɔ nzan na. Wi ka ngoy hio mɔ nzan, a kpa wal mɛ ngoy Sɔ, Bafa fin na.

Marc 9:45

Nɛ ka nanga mɛ dak mɛ pi ha dea gdangamɔ, mɛ gɔn yo pi. Nɛdedea nde mɛ ale ha tunɔ kpoo nɛ kumɔ, pen nde ɛ api mɛ ha bhandi we nɛ nanga bwa. [

Rome 8:7

Hio wi ndɔng ka takiri swe fɛt hazu mɔ ka tɛ mbwa ngoy, mbwa nê hio ngana pɛ Sɔ. Mbwa kafa mɛ de mɔ lɛm nɛ mbonga pɛ Sɔ, nɛ mbwa bo fin nɛ ngatɛ mɛ de yo na.

Filipe 3:19

Sɔ bebhondisi mbwa ha kpogio ngimɔ. Zang mbwa tɛ bo nê sɔ pɛ mbwa, mbwa ha suotɛ hazu deamɔ foy pɛ mbwa, nɛ mbwa takiri mɔ sɔna ha zu hio mɔ nzan.

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Hebro 11:25

A mɛkara mɛ kpa yeksamɔ gbesi hinɛ kandɔ pɛ Sɔ, pen nde, wɛnɛ akpa totɛ ma bengimɔ nɛ wal dea gdangamɔ.

1 Tesalonike 3:3

Mɛgi, sila ɛnɛ lɛm bhunziki ha zang yeksamɔ ndɔng na. Ɛnɛ ingɔ nɛ pɛ ɛnɛ tɛ nde, yeksamɔ ha soko hio mɔ ka Sɔ bheka hazu ɔ.

Gbasamɔ 7:14

Mi kiforo wen ha wɛnɛ: «Gasa wi pɔm, yo nê mɛ ha ing mbwa.» Nɛ wɛnɛ tɔa ha mi: «Yo nê hio wi ndɔng ka gboa ha zang gasa yeksamɔ. Mbwa fala la tɛ mbwa ha zang tɔktɛ Besami gde nɛ bua.

Jean 16:33

Mi tɔa wen ndɔng ha ɛnɛ bingiri tuka nde, ɛnɛ fɛt ka dol tɛ hinɛ mi, ɛnɛ adung nɛ gaamɔ. Ɛnɛ bekpa yeksamɔ ha kɔ wi mɔ nzan. Ma, ɛnɛ ba da hazu mi gana zu nzan kari!»

Dede Wen hazu Jésus-Christ ka Luc ngɛraka 16:23

A zilo ha bhandi pɛ hio fiowi, nɛ haki wɛnɛ yɔnga nzata nɛdɔka. Ka wɛnɛ guo li, a zɔka Abraham nɛyɛa nɛ Lazare ha ngbolokɔ wa.

Dede Wen hazu Jésus-Christ ka Luc ngɛraka 16:20

Ma wei mɛgi fin, ling wa nde, Lazare, wɛnɛ nê fabha wi, nɛ tɛ wa fɛt nɛ gbadalɛ. A dungɔ ha ɔanu swe fɛt ha nutwa pɛ wan-kpamɔ.

Matthieu 27:63

nɛ mbwa tɔa: «*Kongawan, tazu ɔ gbaa nde, ha ngimɔ ka wan-dalo ɛngɛ bhɔna nɛ zutunɔ, wɛnɛ batɔ nde, wɛnɛ begutɛ ha soko hio fiowi hapata yala tar.

Dede Wen hazu Jésus-Christ ka Luc ngɛraka 16:26

Nɛ fin, gasa gduko gbongo kɛtana soko ɔ hinɛ ɛnɛ. Mɛgi hio wi hakɛ ka ngoy nɛ ha pɛ ɛnɛ, kpa wal na. Nɛ hio wi haki lɛm tɛ ha pɛ ɔ na.›