Dede Wen hazu Jésus-Christ ka Luc ngɛraka 16:22 - Takarata pɛ Sɔ Mbombe Mbon

²² Ngimɔ hapata, fabha wi ɛngɛ fea, nɛ hio *telenge kuo wɛnɛ nɛnɛ gde ha ngbolokɔ Abraham. Nɛ wan-kpamɔ fea fin, ɛ gunɔ wɛnɛ.

Dede Wen hazu Jésus-Christ ka Luc ngɛraka 16:22 Referans Kwoze

1 Pierre 2:24

Ha getakate, Christ nɛ pɛa tɛ kuo *sɛmbɔ pɛ ɔ gde ha tɛ wa. A dea mɛgi tuka nde, ɔ adung tuka fiowi ka lɛm de gdangamɔ fin na, nɛ nde, ɔ adung tuka tunɔ wi ka de mɔ ka dung nzeng ha li Sɔ. Ɛnɛ kpasa nɛ wal dalɛ ndɔng ka wɛnɛ baa.

Gbasamɔ 14:13

Hapata, mi zea ma gɛl ha zang ngɔn ka tɔa: «Mɛ ngɛriki mɔ nde: Angiri ha ngimɔ sising, hio wi fɛt ka befe hazu mbwa de sɔy hinɛ *Kongawan, mbwa adung nɛ totɛ!» Nɛ *Nzɔy-Sɔtɛ kɔa: «Ey, kpasawen, mbwa aɔm tɛ mbwa ha ngatom pɛ mbwa, hazu dede tom pɛ mbwa ha kɛa wen tɛ mbwa.»

Jacques 1:11

Ka swe baa nɛ nga gbɛngamɔ, bɛlɛ bekoti, doa betek, nɛ lɔkatɛ pɛa bekari. Yo gbesi nɛ wan-kpamɔ, a bebhondi ha kio kpaamɔ pɛa.

Jean 13:23

Wan-yambimɔ ɛngɛ ka wɛnɛ ngoya pentɛ dungɔ hapɛtɛ wa.

Marc 8:36

Ka ma wi kpaa mɔ nzan fɛt, nɛ ka wɛnɛ kɔpa *tunɔ kpoo, kpaamɔ pɛa bede nɛ ge ha wɛnɛ ge nde?

Hebro 1:14

Mɛgi, hio telenge nê o? Mbwa sɔna nê hio sɔtɛ ka de tom ha Sɔ, nɛ ka Sɔ tomsi nɛ nɛ gbakiri wi ndɔng ka wɛnɛ ngoy mɛ kpasisi mbwa.

Matthieu 24:31

Mi betomsi hio *telenge pɔm nɛ kɛnza gɛl mbia, hazu nɛ ha ngbili nu nar. Mbwa bewesiri hio wi ka mi weka, ha bhandi mɔ nzan fɛt.»

Matthieu 18:10

«Pangay, ka ɛnɛ aba hio bebe wi ndɔng tuka tum wi na! Hazu mi tɔ ha ɛnɛ nde, hio *telenge pɛ mbwa ha ngɔn dung swe fɛt ha li Bafa mi ha zang ngɔn. [

Hebro 2:14

Wɛnɛ yola tɛ wi ka ba may nɛ pɛ hio bem ndɔng, hazu mbwa fɛt nê wi nɛ multɛ nɛ tɔktɛ. A dea mɛgi tuka nde, nɛ wal fio pɛa, wɛnɛ ayangili *Satan ka dung nɛ ngatɛ hazu gde wi ha fio.

Jean 21:20

Ka Pierre kiforo tɛ, a zɔka wan-yambimɔ ka Jésus ngoya pentɛ. Yo nê wɛnɛ ka bagɛngili tɛ ha li sila Jésus ha ngimɔ kpogio yɔngamɔ, nɛ ana nde, *Kongawan, wi ka beha kasatɛ mɛ kɛ nê o?

Dede Wen hazu Jésus-Christ ka Luc ngɛraka 12:20

«Nɛ Sɔ wanga wɛnɛ nɛ tɔ nde, yera wi! Mɛ befe mɛsɛ nɛ zɛ. Mɛgi dɔka mɔ ka mɛ wesara, o ha bedung nɛ yo, o nde?

Matthieu 8:11

Ma, mi tɔ ha ɛnɛ nde, dɔka wi begutɛ ha wal gutɛ swe, nɛ ha wal ɔnu swe, nɛ mbwa bewesiri may ha yɔngamɔ hapɛtɛ tabolo hinɛ Abraham, Isaac nɛ Jacob ha *Kongakandɔ Ngɔn.

Dede Wen hazu Jésus-Christ ka Luc ngɛraka 16:21

Hazu wɛnɛ nɛ hɛl mɛ yɔng mbuli yɔngamɔ ka gɔy ha si tabolo pɛ wan-kpamɔ. Haki hio tolo dungɔ ha yala dalɛ pɛa.

Jean 1:18

Ma wi ndang tɛ zɔk Sɔ na. Ma, yo nê ndanga Bewei pɛa, ka dung hapɛtɛ wa, ka gbasa wɛnɛ ha ɔ.