Dede Wen hazu Jésus-Christ ka Luc ngɛraka 15:29 - Takarata pɛ Sɔ Mbombe Mbon

²⁹ Ma, kay bem pɛa kiforo wen ha wɛnɛ: ‹Bɛlɛ nɛdɔka mi ha dea tom ha mɛ, ma swe ndang mi tɛ kafi ma wen ha nu mɛ na. Ma, mɛ tɛ ha mi ma mbori swe ndang na, nde mi ade nɛ saka nɛ hio dan mi.

Dede Wen hazu Jésus-Christ ka Luc ngɛraka 15:29 Referans Kwoze

Gbasamɔ 3:17

Ɛnɛ ha tɔa nde, ɛnɛ nê hio wan-kpamɔ, ɛnɛ kpaa yɛbhɛ-yɛbhɛ mɔ, ma mɔ ndang kɔpi ɛnɛ na. Ma, kpasawen, ɛnɛ nê hio wan-ngɔtɛ, wan-kɔsa, wan-keri mɔ, wan-gdɔka li, wan-sɔngere, nɛ ɛnɛ tɛ ing yo na.

Gbasamɔ 2:17

«Wi fɛt ka bo nɛ zala mɛ ze mɔ, mbwa aze wen ka *Nzɔy-Sɔtɛ tɔ ha hio giliwi mɔ eglize. Wi fɛt ka began zu mɔ, mi beha mane ka dung ha wuso ha ngɔn, ha mbwa yɔng. Nɛ mi beha mbwa ndang ndang fɛt ma bu ta ka ɛ gɔna ma mbombe ling ha zua. Ma mbingwi lɛm ing yo na, sɔna nɛ wi kɛ ka bekpa yo.»

Rome 10:3

Mbwa ing wal ka Sɔ gde nɛ wi nzeng ha li wa, na. Mbwa kimbolo mɛ weki wal pɛ mbwa nɛ tɛ mbwa. Mɛgi, mbwa kafa wal ka Sɔ gde nɛ wi nzeng ha li wa.

Rome 7:9

Sɔngsi ka mi tɛ ing ka mbonga na, mi dungɔ tuka wi ka dung nɛ zutunɔ. Ma, ka mi ingɔ hio wen mbonga kari, hɛl dea gdangamɔ angara dea mi nɛkpasa,

Dede Wen hazu Jésus-Christ ka Luc ngɛraka 19:21

Mi dea ke hazu mɛ nɛ ngaya pentɛ. Mɛ ku mɔ ka mɛ tɛ gde na, nɛ mɛ bhi kpalmɔ ka mɛ tɛ pɛ na.›

Dede Wen hazu Jésus-Christ ka Luc ngɛraka 18:9

Jésus tɔa fin towen ɛngɛ ha hio wi ndɔng, ka ba tɛ mbwa tuka *nzeng wi ha li Sɔ, nɛ ka bhɛsara hio mbinga. A tɔa:

Dede Wen hazu Jésus-Christ ka Luc ngɛraka 17:10

Yo gbesi nɛ ɛnɛ. Ka ɛnɛ dea hio mɔ fɛt ka mi haa nua kari, ɛnɛ betɔ: ‹Ɔ nê hio gbele wan-tom sɔna. Ɔ dea sɔna nɛ mɔ ka wan haa nua.›»

Dede Wen hazu Jésus-Christ ka Luc ngɛraka 15:7

Mi tɔ ha ɛnɛ nde, gbesi tuka ɛngi, Sɔ bede totɛ ha ngɔn hazu wan-de gdangamɔ ndang ka kiforo sila wa. Nɛ totɛ ɛngɛ bepen totɛ hazu wi bhukɔa mɔrkɔ zu bhukɔa nar zanga mɔrkɔ gbala nar, ka dung nzeng kari, ka bo fin nɛ wen hazu kifiri sila mbwa na.»

Matthieu 20:12

Mbwa tɔa: ‹Hio kpogio wan-tom ka gɔma fɔ mɔ ngonga ndang sɔna, mbwa baa mbɔli lɛm may hinɛ ɔ, ka gɔma fɔ ha bangɔ swe, nɛ sutole tee kanɛ mbolo!›

Rome 3:27

Ka mɔ dung mɛgi, ma wal ka ɔ besu nɛ tɛ fin ha ndo? Wal mɛ sutɛ bo fin na, hazu gasa mɔ, yo bo nê dea mɔ lɛm nɛ mbonga na, ma, yo nê mɛkara Jésus.

Rome 3:20

Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.

Dede Wen hazu Jésus-Christ ka Luc ngɛraka 15:28

Mɛgi kay bem dea ngambi nɛ kafa mɛ le twa. Nɛ bafa wa gboa hazu mbɔmbili wɛnɛ mɛ le ha twa.

Dede Wen hazu Jésus-Christ ka Luc ngɛraka 15:30

Bem pɛ mɛ ɛngɛ gdangsa toy pɛ mɛ fɛt ha hio bhoko-de wanza. Nɛ, ka wɛnɛ pea, mɛ gbɛa ngbanga benday ha wɛnɛ.›