Dede Wen hazu Jésus-Christ ka Luc ngɛraka 15:17 - Takarata pɛ Sɔ Mbombe Mbon

¹⁷ Nɛ sising, wɛnɛ takaramɔ nɛ a tɔa: ‹Hio wan-tom fɛt pɛ bafa mi ha yɔngamɔ zang mbwa don, lak oloa gde. Ma, mi ha fea wɔ hakɛ!

Dede Wen hazu Jésus-Christ ka Luc ngɛraka 15:17 Referans Kwoze

Efeze 5:14

Hazu, mɔ fɛt ka ɛ gbasi long, yo tɛ bo nê saamɔ. Yo nê hazu ɛngi ka ɛ tɔa: «Mɛ ka dung ha ɔala, mɛ tun. Mɛ gutɛ ha soko hio fiowi, nɛ Christ beba tuka saamɔ ha zu mɛ.»

Deamɔ 2:37

Ka hio wi zea wen ndɔng, gasa ngɔtɛ baa mbwa, nɛ mbwa ana Pierre nɛ hio olo wan-nɛtom: «Hio ya ɔ, ɔ bede mɛng?»

Dede Wen hazu Jésus-Christ ka Luc ngɛraka 16:23

A zilo ha bhandi pɛ hio fiowi, nɛ haki wɛnɛ yɔnga nzata nɛdɔka. Ka wɛnɛ guo li, a zɔka Abraham nɛyɛa nɛ Lazare ha ngbolokɔ wa.

Dede Wen hazu Jésus-Christ ka Luc ngɛraka 8:35

Hio wi tɛa hazu zɔk mɔ ka hɔa. Mbwa hɔa hapɛtɛ Jésus nɛ kpaa wi kɛ ka hio gdanga sɔtɛ gboa ha tɛ wa, ha dungɔnu ha si Jésus. Wɛnɛ tɛ bo nɛ dedea nɛ a yola la ha tɛ wa. Mɛgi ke baa mbwa.

Dede Wen hazu Jésus-Christ ka Luc ngɛraka 15:16

Nɛ wɛnɛ nɛ hɛl mɛ donsi zang wa nɛ yɔngamɔ pɛ nguru. Ma, ɛ ha yo ha wɛnɛ na.

Deamɔ 12:11

Mɛgi, tazu Pierre gbaa, nɛ wɛnɛ tɔa: «Sising, mi ingɔ nɛdedea nde, yo nê Kongawan ka tomsa telenge pɛa, hazu ku mi yunɛ ha kɔ Herode, nɛ tili gdangamɔ fɛt ka hio *zuife bheki sungiri nɛ mi.»