Dede Wen hazu Jésus-Christ ka Luc ngɛraka 15:13 - Takarata pɛ Sɔ Mbombe Mbon

¹³ Ngimɔ tikiring hapata, bem ɛngɛ gdonga likɔ pɛa fɛt, nɛ baa mbɔlia si nɛ ha ma mbing kandɔnu nɛyɛa. Haki, a gdangsa kpaamɔ pɛa fɛt nɛ dea mɔ tum.

Dede Wen hazu Jésus-Christ ka Luc ngɛraka 15:13 Referans Kwoze

Dede Wen hazu Jésus-Christ ka Luc ngɛraka 16:19

«Ma wei mɛgi badung nê wan-kpamɔ. A yola nɛ dede zio la, nɛ a dea fada swe fɛt ha zang tandamɔ pɛa.

Dede Wen hazu Jésus-Christ ka Luc ngɛraka 16:1

Jésus tɔa fin ha hio *wan-yambimɔ pɛa: «Ma wan-kpamɔ dungɔ se nɛ wan-pam mɔ pɛa. Nɛ ɛ tɛa tɛ tɔ ha wɛnɛ nde, wan-pam mɔ ha gdangsa toy pɛa.

Dede Wen hazu Jésus-Christ ka Luc ngɛraka 15:30

Bem pɛ mɛ ɛngɛ gdangsa toy pɛ mɛ fɛt ha hio bhoko-de wanza. Nɛ, ka wɛnɛ pea, mɛ gbɛa ngbanga benday ha wɛnɛ.›

2 Pierre 2:13

Tuka mbwa dea gdangamɔ, Sɔ bekɛ mbwa nɛ gdangamɔ. Mbwa kpa totɛ ha dea mɔ tum ha gasa swe. Ka mbwa wesiri may hinɛ ɛnɛ hazu yɔng mɔ, ɛngɛ nê gasa mɔ foy nɛ mɔ nyɛl. Mbwa ha osala ɛnɛ, nɛ yo ha dea totɛ ha tɛ mbwa.

Efeze 2:17

Christ tɛa ha nzan ha tɔa *Dede Wen ha ɛnɛ ka badung nɛ yɛa nɛ Sɔ, nɛ ha hio zuife ka dung sanga nɛ Sɔ nde, a gdea gaamɔ ha soko ɔ kari.

Efeze 2:13

Sɔngsi, ɛnɛ badung nɛ yɛa nɛ Sɔ. Ma, sising, ɛnɛ tɛ bo ha dea sɔy hinɛ Jésus-Christ. Tɔktɛ wa sɛa gɔn zu ɛnɛ, mɛgi, ɛnɛ tɛ bo sanga nɛ Sɔ.

Dede Wen hazu Jésus-Christ ka Luc ngɛraka 15:12

Ma yala, bem mɔ pata tɔa ha bafa wa: ‹Bafa mi, mɛ kapini likɔ ha ɔ.› Nɛ bafa mbwa kapana likɔ pɛa ha soko mbwa.

Dede Wen hazu Jésus-Christ ka Luc ngɛraka 15:14

Nɛ ka wɛnɛ gdangsa mɔ fɛt, gasa foto teka ha kandɔnu ɛngi. Nɛ mɔ fɛt angara kɔpa wɛnɛ.