Dede Wen hazu Jésus-Christ ka Luc ngɛraka 14:21 - Takarata pɛ Sɔ Mbombe Mbon

²¹ Ka wan-tom kiforo, a baa kasi mɔ ndɔng fɛt ha wan pɛa. Nɛ wan dea ngambi pentɛ, nɛ a tɔa ha wan-tom: ‹Mɛ nɛ nɛhasa ha zang le, ha mbango nɛ liwal fɛt, nɛ kay hio fabha wi, kumɔ wi, wan-gdɔka li, nɛ wan-zɛlɛ mɛla tɛnɛ hakɛ.›

Dede Wen hazu Jésus-Christ ka Luc ngɛraka 14:21 Referans Kwoze

Dede Wen hazu Jésus-Christ ka Luc ngɛraka 14:13

Ma, ka mɛ de fada, mɛ sa nɛ hio fabha wi, kumɔ wi, wan-zɛlɛ mɛla, nɛ wan-gdɔka li.

Jacques 2:5

Hio ya mi ka mi ngoya gdang, ɛnɛ ze nɛdedea: Sɔ weka hio fabha wi mɔ nzan nde, mbwa adung nê wan-kpamɔ nɛ wal mɛkara Jésus-Christ, nɛ nde, mbwa akpa Kongakandɔ pɛa, ka wɛnɛ bagɔn nua mɛ ha nɛ likɔ ha hio wi ka ngoy wɛnɛ.

Matthieu 11:5

‹Hio wan-gdɔka li zɔka mɔ, hio kumɔ wi nɛa nɔ, tɛ hio wan-doko saa, hio wan-gdɔka zala zea mɔ, hio fiowi kiforo ha tunɔ, nɛ hio fabha wi ha zea Dede Wen.›

Jean 9:39

Nɛ Jésus tɔa ha wɛnɛ: «Mi tɛa ha nzan hazu gba soko hio wi nde, ka hio wan-gdɔka li azɔk mɔ, nɛ ka li hio wan-dede li agdɔki.»

Dede Wen hazu Jésus-Christ ka Luc ngɛraka 14:24

Mi tɔ ha mɛ nde, ha soko wi ndɔng ka mi saa sɔngsi gan, ma ndang lɛm yɔng yɔngamɔ pɔm na.›»

Hebro 2:3

Mɛgi, ka ɔ bhɛsiri gasa mɔkpasi ka Sɔ ngoy kpasisi nɛ ɔ, ɔ bekpɔy ha ndulsomɔ mɛng? Yo nê *Kongawan nɛ pɛa tɛ ka angara bulo wen mɔkpasi ɛngɛ, nɛ hio wi ndɔng ka zea wena, mbwa tɔa ha ɔ nde, yo nê tɛwen.

Gbasamɔ 22:17

*Nzɔy-Sɔtɛ hinɛ Bhoko-si wei ha tɔa: «Mɛ tɛ!» Nɛ wi ka ze yo, atɔ fin: «Mɛ tɛ!» Wi fɛt ka dung nɛ wɔ li, nɛ ka dung nɛ hɛl mɛ nɔ li ka ha tunɔ, mbwa atɛ tɛ kpa yo nɛ gbelea.

Gbasamɔ 19:15

Sɔa gbapa gboa ha nu wa. A bemɛl hio kandɔ nɛ yo, nɛ a bengbɔsi mbwa nɛ tongolo wan mɔ bolo. A bebhal mbwa tuka hio wayate vigne hazu lɛmsiri gdanga ngambi pɛ Sɔ, wan-zu mɔ fɛt.

Hebro 13:17

Ɛnɛ aze nu hio wi mɔ zu ɛnɛ, nɛ ɛnɛ ahil nɛ mɛndi ha si mbwa. Hazu mbwa ha pama tunɔ pɛ ɛnɛ, nɛ mbwa betɔ bin pata tom pɛ mbwa ha Sɔ. Ka ɛnɛ ze nu mbwa, mbwa bede tom pɛ mbwa nɛ totɛ. Hazu, ka mbwa de tom pɛ mbwa nɛ tɔatɛ, ki yo lɛm mɛ gbakiri ɛnɛ ndang na.

Dede Wen hazu Jésus-Christ ka Luc ngɛraka 24:47

Angiri ha Jérusalem ɛ betɔ ha hio kandɔ fɛt nde, Mesi lɛmsara mɔ fɛt mɛ kpasisi mbwa. Hazu ɛngi, ka mbwa kiforo sila mbwa, Sɔ bebisi *sɛmbɔ pɛ mbwa.

Matthieu 11:28

«Ɛnɛ fɛt, ka tɛ ɛnɛ kata ha baa zio toy dɔka *mbonga pɛ hio *zuife, ɛnɛ tɛ ha pɔm. Mi begu yo ha zu ɛnɛ yunɛ, nɛ ɛnɛ bekpa gaamɔ.

Dede Wen hazu Jésus-Christ ka Luc ngɛraka 9:10

Hio *wan-nɛtom kiforo tɛ ha pɛ Jésus, nɛ baa kasi mɔ fɛt ka mbwa dea ha wɛnɛ. Nɛ a daka tɛ hinɛ mbwa gbatɛ ha ma bhandi nɛ wal le Betsaida.

Matthieu 18:31

Ka hio olo sɔy-tom pɛa zɔka mɔ ɛngɛ, ngɔtɛ baa mbwa. Nɛ mbwa nɛa nɛ tɔ kasia fɛt ha wan pɛ mbwa.

Matthieu 15:12

Mɛgi hio *wan-yambimɔ tiko nɛ ha pɛ Jésus, nɛ ana wɛnɛ: «Mɛ tɛ ing nde, wen pɛ mɛ yimɔ sila hio *Farizien na nde?»

Dede Wen hazu Jésus-Christ ka Luc ngɛraka 14:20

Ma mbinga tɔa pɛa fin: ‹Mi sio bhoko sising-sising. Mɛgi mi lɛm nɛ na.›

Dede Wen hazu Jésus-Christ ka Luc ngɛraka 14:22

Hapata ngimɔ tikiring, wan-tom kiforo tɛ tɔ ha wan pɛa: ‹Wan pɔm, mi dea mɔ fɛt tuka mɛ tɔa. Ma, hio ma bhandi ngbɔla nɛgbelea.›

Matthieu 20:7

Mbwa kiforo wen: ‹Hazu ma wi ndang tɛ sa ɔ ha tom na.› Nɛ wɛnɛ tɔa ha mbwa: ‹Ɛnɛ fin, ɛnɛ nɛ ha gɔma fɔ pɔm.›