Dede Wen hazu Jésus-Christ ka Luc ngɛraka 13:24 - Takarata pɛ Sɔ Mbombe Mbon

²⁴ «Ɛnɛ agbɛngsi tɛ ɛnɛ mɛ le nɛ bho-ngo-ngo nutwa ha *Kongakandɔ pɛ Sɔ. Hazu, mi tɔ yo ha ɛnɛ, hio dɔka wi beki mɛ le haki gan.

Dede Wen hazu Jésus-Christ ka Luc ngɛraka 13:24 Referans Kwoze

2 Pierre 1:10

Hazu ɛngi, hio ya mi, ɛnɛ gbɛngsi tɛ ɛnɛ pen mɔ sɔngsi hazu osi nde, ɛnɛ nê hio wi, ka Sɔ saa nɛ weka mɛ dung nê pɛa. Ka ɛnɛ de mɔ tuka ɛngi, ɛnɛ lɛm tek ha zang dea gdangamɔ na,

Hebro 4:11

Hazu ɛngi, ɔ agbɛngsi tɛ hazu le ha bhandi ɔmtɛ ɛngɛ. Nɛ ɔ pangay yu nde, ma wi ha soko ɔ betɛ kɔpi lea ha bhandi ɔmtɛ ɛngɛ nɛ wal dea kpandele gbesi tuka hio ngbabafa ɔ.

Dede Wen hazu Jésus-Christ ka Luc ngɛraka 21:36

Ɛnɛ ayang la nɛ ɛnɛ agɔ Sɔ nɛting, ka ɛnɛ akpa ngatɛ mɛ kpɔy ha hio yeksamɔ ka betɛ, nɛ ka ɛnɛ akpa ngatɛ mɛ yol ha li mi, *Bewei pɛ Wi.»

Jean 6:27

Ka ɛnɛ agbɛngsi tɛ hazu kpa nɛ yɔngamɔ ka beyek na. Ma, ɛnɛ gbɛngsi tɛ hazu kpa yɔngamɔ ka bebhɔn nɛ ka beha ɛnɛ *tunɔ kpoo. Mi, *Bewei pɛ Wi, beha yo ha ɛnɛ, hazu Sɔ, Bafa mi, gdea ziomɔ pɛa ha kɔ mi.»

Rome 10:3

Mbwa ing wal ka Sɔ gde nɛ wi nzeng ha li wa, na. Mbwa kimbolo mɛ weki wal pɛ mbwa nɛ tɛ mbwa. Mɛgi, mbwa kafa wal ka Sɔ gde nɛ wi nzeng ha li wa.

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

Jean 7:34

Ɛnɛ beki mi gan, ɛnɛ lɛm kpa mi na. Hazu ɛnɛ lɛm mɛ hɔ ha bhandi ka mi benɛ ang na.»

Jean 8:21

Jésus tɔa fin ha hio *Farizien: «Mi bepen, nɛ ɛnɛ beki mi gan. Ɛnɛ befe ha zang *sɛmbɔ pɛ ɛnɛ. Ɛnɛ lɛm nɛ ha bhandi ka mi benɛ ang na.»

Matthieu 11:12

Angiri ha ngimɔ ka Jean dungɔ ha gdumso wi kanɛ sising, ɛ ngoy bhɔngiri Kongakandɔ Ngɔn nɛ nga mbanzi, nɛ hio ngawi ngoy dang zua.

Jean 13:33

Hio dan mi, mi lɛm dung hinɛ ɛnɛ pata yɛ fin na. Ɛnɛ beki mi. Ma, mi tɔ ha ɛnɛ ndangtɛ mɔ ka mi tɔa ha hio wan-le *zuife nde, ɛnɛ lɛm nɛ ha bhandi ka mi nɛ ang na.

Dede Wen hazu Jésus-Christ ka Luc ngɛraka 13:23

Ma wi ana wɛnɛ: «*Kongawan, yo nê wi tikiring sɔna ka Sɔ bekpasisi nde?» Nɛ Jésus kiforo wen: