Dede Wen hazu Jésus-Christ ka Luc ngɛraka 13:14 - Takarata pɛ Sɔ Mbombe Mbon

¹⁴ Ma, wan-zu twa gɔ Sɔ dea ngambi hazu Jésus karsa zɛlɛ ha swe ɔmtɛ. Wɛnɛ tɔa ha giliwi: «Ha zang dimasi ndang, yala de tom nɛ mɔrkɔ zanga ndang. Yo nê ha yala ndɔng ka ɛnɛ lɛma tɛ tuka nde, ɛ akarsi zɛlɛ pɛ ɛnɛ. Yo bo ha swe ɔmtɛ na.»

Dede Wen hazu Jésus-Christ ka Luc ngɛraka 13:14 Referans Kwoze

Matthieu 12:2

Ka hio *Farizien zɔka mɛgi, mbwa tɔa ha Jésus: «Pangay, hio wan-yambimɔ pɛ mɛ ha dea mɔ ka *mbonga pɛ ɔ tɔa nde, ɛ ade yo ha swe ɔmtɛ na.»

Dede Wen hazu Jésus-Christ ka Luc ngɛraka 6:7

Hio *Farizien nɛ hio *wan-osi mbonga dungɔ ha mbara Jésus nde, mana a bekpasisi ma wan-zɛlɛ ha swe ɔmtɛ, tuka nde ka mbwa akpa wal mɛ fundi nɛ wɛnɛ.

Dede Wen hazu Jésus-Christ ka Luc ngɛraka 8:41

Nɛ ma wei ling wa nde Yairus hɔa. Wɛnɛ nê wan-zu *twa gɔ Sɔ. A hilo ha si Jésus nɛ a lokatɛ ha wɛnɛ mɛ nɛ ha twa pɛa,

Marc 5:22

Ma wan-zu *twa gɔ Sɔ, ling wa nde Yairus, tɛa. Nɛ ka wɛnɛ zɔka Jésus, a hilo ha si wa.

Rome 10:2

Hazu mi ingɔ nde, mbwa nɛ tɛ hɛl mɛ de tom Sɔ. Ma, mbwa ing tɛ kpasa wal mɛ de nɛ yo na.

Deamɔ 18:17

Mbwa fɛt bhubholo Sostene, wan-zu twa gɔ Sɔ, nɛ angara mɛla wɛnɛ bhɔn ka ha li kita. Ma, Galion pi nu ang ndang na.

Deamɔ 18:8

Krispus, wan-zu twa gɔ Sɔ, nɛ hio wi mɛ twa pɛa fɛt mɛkara *Kongawan. Dɔka wi mɛ Korente, ka zea Paul ha bulo wen, mɛkara fin nɛ ɛ gdumso mbwa ha li nɛ ling Jésus.

Deamɔ 13:15

Ka ɛ tɔla mɔ ha zang *mbonga pɛ Moïse nɛ hio *wan-tɔkuliwen kari, hio wan-zu twa gɔ Sɔ tomsa mɛ tɔ ha mbwa: «Hio ya ɔ, ka ɛnɛ nɛ mbɔla mɛ mbo nɛ hio wi, ɛnɛ awol sising.»

Dede Wen hazu Jésus-Christ ka Luc ngɛraka 6:11

Ma, mbwa dea ngambi gdang, nɛ mbwa ana may hazu ing mɔ ka mbwa bede nɛ Jésus.