Dede Wen hazu Jésus-Christ ka Luc ngɛraka 12:42 - Takarata pɛ Sɔ Mbombe Mbon

⁴² Kongawan kiforo wen: «Mi tɔa yo hazu wi fɛt ka dung tuka wan-tom ka dung nɛ mboazu nɛ ingɔmɔ. Wan pɛa begde wɛnɛ ha zu hio olo wan-tom, nɛ beha wɛnɛ tom mɛ kapini yɔngamɔ ha mbwa ha dede ngimɔ.

Dede Wen hazu Jésus-Christ ka Luc ngɛraka 12:42 Referans Kwoze

Hebro 13:17

Ɛnɛ aze nu hio wi mɔ zu ɛnɛ, nɛ ɛnɛ ahil nɛ mɛndi ha si mbwa. Hazu mbwa ha pama tunɔ pɛ ɛnɛ, nɛ mbwa betɔ bin pata tom pɛ mbwa ha Sɔ. Ka ɛnɛ ze nu mbwa, mbwa bede tom pɛ mbwa nɛ totɛ. Hazu, ka mbwa de tom pɛ mbwa nɛ tɔatɛ, ki yo lɛm mɛ gbakiri ɛnɛ ndang na.

Hebro 13:7

Tazu ɛnɛ agba nɛ wi ndɔng ka bangbɔsi ɛnɛ nɛ bosia ha wal mɔ Sɔ, nɛ ka batɔ wen pɛ Sɔ ha ɛnɛ. Tazu ɛnɛ agba nɛ wal ka mbwa bade nɛ mɔ hɔ ha fio. Ɛnɛ amɛkiri Sɔ tuka ka mbwa bamɛkiri nɛ.

2 Timothée 4:2

mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.

1 Timothée 5:17

Hio kotowi ka pam giliwi mɔ eglize nɛ wala, lɛma nɛ kɛamɔ tom pɛ mbwa zebwa. Pen fɛt, ɛ ndɔng ka gbɛngsi tɛ mbwa ha bulo wen pɛ Sɔ nɛ ha osamɔ Sɔ.

1 Pierre 4:10

Sɔ haa ɛnɛ ndang ndang fɛt hio tili ngatɛ nɛtɛ-nɛtɛ mɛ de nɛ hio tili tom nɛtɛ-nɛtɛ. Lɛma nde, ɛnɛ agbakiri may nɛ wal ngatɛ ndɔng tuka dede wan-tom.

Tite 1:7

Lɛma nde, wan-pam *giliwi mɔ eglize adung nɛ ma wen ndang ha zu wa na, hazu wɛnɛ nê wan-pam mɔ pɛ Sɔ. Ka wɛnɛ adung nê wan-sutɛ na, wan-de ngambi na, wan-nguru dɔkɔ na, wan-bi tumbɔ na, nɛ fin, ka wɛnɛ aki mbɔli nɛ gdanga wal na.

Deamɔ 20:28

Ɛnɛ pam tɛ ɛnɛ nɛ tɛ ɛnɛ. Nɛ ɛnɛ pam fin *giliwi mɔ eglize, ka Nzɔy-Sɔtɛ gdea ha kɔ ɛnɛ. Ɛnɛ pam mbwa nɛdedea, tuka ka zaoro sami pam nɛ sami, hazu Sɔ hɛa mbwa nɛ wal tɔktɛ Bewei pɛa.

Matthieu 20:8

«Ka mbolo dea, wan-gasa fɔ saa wan-pam mɔ pɛa, nɛ tɔa: ‹Mɛ sa hio wan-tom, nɛ mɛ ha mbwa mbɔli tom. Mɛ angiri kɛa nɛ ɛ ndɔng ka tɛa nɛ kpogio, hɔ ha ɛ ndɔng ka tɛa nɛ bosia.›

Hebro 3:5

Moïse badung nɛ mboazu wan-tom ha twa pɛ Sɔ fɛt. A bulo wen hio mɔ ka Sɔ betɔ bin.

1 Timothée 3:15

Ma, ka mi ziko ha hɔa, takarata ɛngɛ beosi ha mɛ dede ndɔki deamɔ ha soko hio nam pɛ Sɔ, yo nde, ha soko *giliwi mɔ eglize pɛ tunɔ Sɔ, giliwi ndɔng ka dung tuka mbing nɛ nanga twa ka tɔn nɛ pam tɛwen.

Dede Wen hazu Jésus-Christ ka Luc ngɛraka 7:13

Ka *Kongawan Jésus zɔka nagula ɛngɛ, sila wa doya nɛ kobhe. Nɛ a tɔa ha wɛnɛ: «Mɛ he kwa na!»

Matthieu 13:52

Nɛ a tɔa ha mbwa fin: «Mɛgi hio *wan-osi mbonga ndang ndang fɛt ka tɛ bo nê wan-yambimɔ mɔ *Kongakandɔ Ngɔn, mbwa dung tuka ma wan-twa ka gbosisi mbombe nɛ mɔa mɔ ha bhandi toy pɛ mbwa.»

Dede Wen hazu Jésus-Christ ka Luc ngɛraka 7:19

nɛ a tomsa mbwa ha pɛ Jésus hazu ani wɛnɛ: «Mɛ nê *Mesi ka betɛ nde? Mana ɔ akeri ma mbinga?»

Dede Wen hazu Jésus-Christ ka Luc ngɛraka 12:43

Totɛ ha wan-tom ɛngɛ ka wan pɛa bepe tɛ kpa wɛnɛ ha dea tom pɛa.