Dede Wen hazu Jésus-Christ ka Luc ngɛraka 12:33 - Takarata pɛ Sɔ Mbombe Mbon

³³ Ɛnɛ gdongi kpaamɔ pɛ ɛnɛ, nɛ ha mbɔlia ha hio fabha wi! Ɛngɛ nê wal mɛ wesiri kpaamɔ pɛ ɛnɛ gde ha zang ngɔn. Nɛ ngobho mbɔli mɔ ngɔn lɛm gdɔy na. Hazu ha ngɔn, mɔ bedung nɛ dedea kpoo, wanzu lɛm zu yo na, nɛ nzɛmɛ lɛm gdangsi yo na.

Dede Wen hazu Jésus-Christ ka Luc ngɛraka 12:33 Referans Kwoze

Matthieu 19:21

Jésus tɔa ha wɛnɛ: «Ka mɛ ngoy lɛm wɛɛ, mɛ nɛ, nɛ gdongi mɔ pɛ mɛ fɛt, mɛ kapini mbɔlia fɛt ha hio fabha wi. Mɛgi mɛ bekpa kpaamɔ ha zang ngɔn. Hapata mɛ tɛ tɛ ndari mi!»

Dede Wen hazu Jésus-Christ ka Luc ngɛraka 18:22

Ka Jésus zea wen ndɔng, a tɔa ha wɛnɛ: «Mɔ ndang ngbɔla ka mɛ tɛ de na. Mɛ gdongi hio mɔ pɛ mɛ fɛt, nɛ mɛ kapini mbɔlia ha hio fabha wi. Mɛgi mɛ bekpa dɔka kpaamɔ ha zang ngɔn. Nɛ mɛ tɛ tɛ ndari mi.»

Deamɔ 2:45

Mbwa gdonga hio nu pɛ mbwa nɛ hio kpaamɔ pɛ mbwa kapini mbɔlia ha soko may. Mɛgi wi ndang ndang fɛt kpaa mɔ lɛm nɛ mɔ ka kɔpa wɛnɛ.

Dede Wen hazu Jésus-Christ ka Luc ngɛraka 16:9

«Nɛ mi tɔ ha ɛnɛ nde, ɛnɛ aku kpaamɔ mɔ nzan de nɛ dedemɔ ha tɛ hio wi nde, ɛnɛ atɛ dede dan mbwa. Mɛgi, ha ngimɔ ka yo bekari, Sɔ beba ɛnɛ nɛ dede kɔ ha twa pɛa kpoo.»

Dede Wen hazu Jésus-Christ ka Luc ngɛraka 12:21

Ey, wi ka kay kpaamɔ hazu wa, ma, ka dung nê fabha ha li Sɔ, wɛnɛ nê yera wi.»

2 Korente 8:2

Dɔka yeksamɔ ka kpaa mbwa, wea sila mbwa nɛkpasa. Ma, mbwa dungɔ swe fɛt nɛ totɛ. Ngase mbwa nê hio fabha wi nɛkpasa, mbwa haa mɔ nɛdɔka pen fɛt.

Jean 12:6

Judas bo ha dea ngɔtɛ tɛ hio fabha wi na. Ma, a tɔa mɛgi hazu wɛnɛ nê wanzu. Wɛnɛ nê wan-pam mbɔli pɛ mbwa, nɛ a dung mɛ zu hio ma mbɔli.

Dede Wen hazu Jésus-Christ ka Luc ngɛraka 11:41

Ɛnɛ ha mɔ ka dung ha zang tasi pɛ ɛnɛ ha hio fabha wi, mɛgi hio mɔ fɛt bedung nɛ saa ha ɛnɛ.