Dede Wen hazu Jésus-Christ ka Luc ngɛraka 12:20 - Takarata pɛ Sɔ Mbombe Mbon

²⁰ «Nɛ Sɔ wanga wɛnɛ nɛ tɔ nde, yera wi! Mɛ befe mɛsɛ nɛ zɛ. Mɛgi dɔka mɔ ka mɛ wesara, o ha bedung nɛ yo, o nde?

Dede Wen hazu Jésus-Christ ka Luc ngɛraka 12:20 Referans Kwoze

1 Timothée 6:7

Hazu, ɔ tɛa ha nzan nɛ gbele kɔ, nɛ ɔ besi fin nɛ gbele kɔ.

Jacques 4:14

Ɛnɛ ingɔ mɔ ka behɔ nɛ bhisiri nde? Way, tunɔ pɛ ɛnɛ dung tuka kutu ka bhɔn pata yɛ na, hapata yo yɛmala fin.

1 Tesalonike 5:3

Ha ngimɔ ka hio wi betɔ nde, hoo, mɔ fɛt nɛ gaa, yeksamɔ bo na, yo nê ha ndangtɛ ngimɔ ɛngi ka gasa yeksamɔ bewang mbwa. Nɛ mbwa lɛm kpɔy ang na. Yo bedung tuka yimtɛ bio bhɛ ka kpa nazang.

Dede Wen hazu Jésus-Christ ka Luc ngɛraka 11:40

Ɛnɛ hio yera wi! Bo nê ndangtɛ Sɔ ka dea gdonga, ha de zanga fin, na nde?

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.