Dede Wen hazu Jésus-Christ ka Luc ngɛraka 12:19 - Takarata pɛ Sɔ Mbombe Mbon

¹⁹ Nɛ hapata mi betɔ ha tɛ mi nɛ tɛ mi nde, sila mi, sising mɛ nɛ mɔ hebhe ka lɛm hazu dɔka bɛlɛ, mɛgi mɛ ɔmtɛ mɛ sɛm, yɔng nɛ nɔ, nɛ mɛ de totɛ!»

Dede Wen hazu Jésus-Christ ka Luc ngɛraka 12:19 Referans Kwoze

1 Korente 15:32

Ha gasa le Efeze, mi bio bulo sungiri hio wi ka dung tuka ngɔnzu. Ka bo nde, mi ha takara mɔ tuka hio wi mɔ nzan, ki mi kpaa nɛ nge mɔ ha bulo ɛngɛ, ge nde? Ka hio fiowi lɛm gutɛ na, ki ɔ bede mɔ tuka wen ka tɔ nde: «Ɔ ayɔng mɔ nɛ nɔ mɔ, hazu bhisiri ɔ befe.»

Jacques 5:5

Ɛnɛ pensa tunɔ pɛ ɛnɛ ha zu nu ha zang tandamɔ nɛ ha dea saka. Ɛnɛ gasasa tɛ ɛnɛ yɛmbɛ-mbɛ, ngase ka swe gɔn gɛl ɛnɛ koka kari.

Filipe 3:19

Sɔ bebhondisi mbwa ha kpogio ngimɔ. Zang mbwa tɛ bo nê sɔ pɛ mbwa, mbwa ha suotɛ hazu deamɔ foy pɛ mbwa, nɛ mbwa takiri mɔ sɔna ha zu hio mɔ nzan.

Gbasamɔ 18:7

Ɛnɛ aha wɛnɛ dɔka yimtɛ nɛ ngɔtɛ lɛm nɛ dɔka *lɛkɛ-lɛkɛmɔ nɛ tandamɔ ka wɛnɛ bade le ha zanga. Wɛnɛ batɔ ha sila wa nde, ɛ ha dungɔnu hakɛ tuka kongapora, ɛ bo nê nagula na, ɛ lɛm kpa ngɔtɛ ndang na.

1 Pierre 4:3

Sɔngsi, ɛnɛ pensa ngimɔ pɛ ɛnɛ ha dea mɔ gbesi tuka *bhilo. Yo abhɔn nɛ ɛngi. Ɛnɛ dungɔ ha dea wanza, ha dea hɛl mɔ nzan, ha nɔa dɔkɔ nɛ ngurua, ha yɔnga nɛ nɔa mɔ nɛ kang, nɛ ha dea gdanga tom gbele sɔ.

2 Timothée 3:4

wan-ha kasatɛ, wan-de ngambi, nɛ fin wan-ngbangsi tɛ. Ha bhandi ngoya Sɔ, mbwa bengoy nɛ mɔ ka ha totɛ ha mbwa.

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

1 Timothée 5:6

Ma, nagula ɛngɛ ka de le ha zang tandamɔ, fea kari, ngase ka wɛnɛ boka nɛ zutunɔ.

Dede Wen hazu Jésus-Christ ka Luc ngɛraka 21:34

«Ɛnɛ pangay! Ka ɛnɛ apengi nɛ totɛ mɔ nzan nɛ nɔa dɔkɔ na. Nɛ fin, ɛnɛ adung nɛ nɔzang ha zu mɔ nzan na. Yu nde, yala ka mi betɛ, betɛ wang ɛnɛ

Dede Wen hazu Jésus-Christ ka Luc ngɛraka 16:19

«Ma wei mɛgi badung nê wan-kpamɔ. A yola nɛ dede zio la, nɛ a dea fada swe fɛt ha zang tandamɔ pɛa.

Dede Wen hazu Jésus-Christ ka Luc ngɛraka 12:18

Zɔk, mɔ ka mi bede sising, mi beyangili mɔa gulo, nɛ mi bebɛ gasaa ha bhandia hazu wesiri hio kpalmɔ nɛ kpaamɔ pɔm ang.