Dede Wen hazu Jésus-Christ ka Luc ngɛraka 12:17 - Takarata pɛ Sɔ Mbombe Mbon

¹⁷ Ka wɛnɛ zɔka mɛgi, a tɔa ha sila wa nde, mi bede mɛng? Hazu mi bo nɛ bhandi pam kpalmɔ pɔm fɛt na.

Dede Wen hazu Jésus-Christ ka Luc ngɛraka 12:17 Referans Kwoze

Matthieu 5:42

Mɛ ha mɔ ha wi ka gɔ yo ha kɔ mɛ. Ka ma wi ngoya gbakiri mɔ ha kɔ mɛ, ka mɛ adɔ wɛnɛ na.»

1 Jean 3:16

Jésus-Christ tɛa tɛ fe gɔn zu ɔ. Yo nê ɛngi, ka ɔ ingɔ tɛ kpasa ngoy. Mɛgi, lɛma nde, ɔ fin afe gɔn zu hio ya ɔ.

Rome 12:13

Ɛnɛ gbakiri hio wi pɛ Sɔ ka mɔ kɔpa mbwa. Nɛ ɛnɛ ba hio gɛnɛ wi nɛ dede kɔ.

Deamɔ 16:30

Hapata a kaya mbwa gbo nɛ ha dɛl, nɛ a ana mbwa: «Hio gasa wi, mi bede nɛ ge, ka mi akpasi, ge nde?»

Dede Wen hazu Jésus-Christ ka Luc ngɛraka 19:17

Kongapora tɔa ha wɛnɛ: ‹Nɛdedea, mɛ nê dede wan-tom. Mi begde mɛ ha zu le bhukɔ, hazu mɛ dungɔ nɛ mboazu ha bebe mɔ.›

Dede Wen hazu Jésus-Christ ka Luc ngɛraka 18:22

Ka Jésus zea wen ndɔng, a tɔa ha wɛnɛ: «Mɔ ndang ngbɔla ka mɛ tɛ de na. Mɛ gdongi hio mɔ pɛ mɛ fɛt, nɛ mɛ kapini mbɔlia ha hio fabha wi. Mɛgi mɛ bekpa dɔka kpaamɔ ha zang ngɔn. Nɛ mɛ tɛ tɛ ndari mi.»

Dede Wen hazu Jésus-Christ ka Luc ngɛraka 16:9

«Nɛ mi tɔ ha ɛnɛ nde, ɛnɛ aku kpaamɔ mɔ nzan de nɛ dedemɔ ha tɛ hio wi nde, ɛnɛ atɛ dede dan mbwa. Mɛgi, ha ngimɔ ka yo bekari, Sɔ beba ɛnɛ nɛ dede kɔ ha twa pɛa kpoo.»

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

Deamɔ 2:37

Ka hio wi zea wen ndɔng, gasa ngɔtɛ baa mbwa, nɛ mbwa ana Pierre nɛ hio olo wan-nɛtom: «Hio ya ɔ, ɔ bede mɛng?»

Dede Wen hazu Jésus-Christ ka Luc ngɛraka 16:3

Nɛ wan-pam mɔ tɔa ha sila wa: ‹Wan pɔm begbosisi mi ha tom, mi bede mɛng? Mi bo nɛ ngaya mɛ gɔm fɔ na, nɛ mi nɛ foy mɛ gɔ mɔ.

Dede Wen hazu Jésus-Christ ka Luc ngɛraka 12:33

Ɛnɛ gdongi kpaamɔ pɛ ɛnɛ, nɛ ha mbɔlia ha hio fabha wi! Ɛngɛ nê wal mɛ wesiri kpaamɔ pɛ ɛnɛ gde ha zang ngɔn. Nɛ ngobho mbɔli mɔ ngɔn lɛm gdɔy na. Hazu ha ngɔn, mɔ bedung nɛ dedea kpoo, wanzu lɛm zu yo na, nɛ nzɛmɛ lɛm gdangsi yo na.

Dede Wen hazu Jésus-Christ ka Luc ngɛraka 12:29

Ka ɛnɛ adung nɛ nɔzang ha kio mɔ yɔng nɛ mɔ nɔ na.

Dede Wen hazu Jésus-Christ ka Luc ngɛraka 12:22

Jésus tɔa ha hio *wan-yambimɔ pɛa: «Hazu ɛngi, mi gba tazu ɛnɛ nde, ka ɛnɛ adung nɛ nɔzang hazu mɔ ka ɛnɛ beyɔng nɛ la ka ɛnɛ beyol na.

Dede Wen hazu Jésus-Christ ka Luc ngɛraka 11:41

Ɛnɛ ha mɔ ka dung ha zang tasi pɛ ɛnɛ ha hio fabha wi, mɛgi hio mɔ fɛt bedung nɛ saa ha ɛnɛ.

Dede Wen hazu Jésus-Christ ka Luc ngɛraka 10:25

Mɛgi, ma *wan-osi mbonga guotɛ nɛ ana Jésus hazu we sila wa nɛ a tɔa: «Wan-osimɔ, mi bede mɛng hazu kpa nɛ *tunɔ kpoo ge nde?»

Dede Wen hazu Jésus-Christ ka Luc ngɛraka 3:11

A kiforo wen ha mbwa: «Ka ma wi nɛ latɛ bwa, wɛnɛ aha ma ha wi kɛ ka bo nɛ yo na. Nɛ ka ma wi nɛ yɔngamɔ, wɛnɛ akapini ma ha wi kɛ ka bo nɛ yo na.»

Matthieu 16:7

Hio wan-yambimɔ takara mɔ ha soko mbwa nde, a tɔa mɛgi hazu mbwa tɛ ku mampa na.

Dede Wen hazu Jésus-Christ ka Luc ngɛraka 12:16

A tɔa fin ma towen ha mbwa: «Ha ma le, ma wan-kpamɔ ang. A gɔma gasa fɔ nɛ a gbɛa yɔng hebhe.

Dede Wen hazu Jésus-Christ ka Luc ngɛraka 12:18

Zɔk, mɔ ka mi bede sising, mi beyangili mɔa gulo, nɛ mi bebɛ gasaa ha bhandia hazu wesiri hio kpalmɔ nɛ kpaamɔ pɔm ang.