Dede Wen hazu Jésus-Christ ka Luc ngɛraka 11:36 - Takarata pɛ Sɔ Mbombe Mbon

³⁶ Hazu ka tɛ mɛ don nɛ saamɔ fɛt, nɛ ka ma bhalkɔa ndang bhɔn nɛ tutum na, mɛ bedung nɛ saa fɛt tuka ka lamba ba ha tɛ mɛ nɛ yoloa.»

Dede Wen hazu Jésus-Christ ka Luc ngɛraka 11:36 Referans Kwoze

2 Korente 4:6

Sɔ batɔ se: «Saamɔ aba ha zang tutum.» Nɛ yo nê wɛnɛ fin, ka dea nde, saamɔ aba ha zang sila ɔ. Mɛgi, a gbosasa li ɔ tuka nde, ɔ aing lɛkɛ-lɛkɛmɔ pɛa, ka ba ha zang li Christ.

2 Pierre 3:18

Ma, ɛnɛ bhɔn ha kpɔatɛ ha zang *dede sila pɛ Jésus-Christ, Kongawan pɛ ɔ nɛ Wan-kpasisi ɔ. Nɛ ɛnɛ bhɔn fin ha ingɔ wɛnɛ pen mɔ sɔngsi. *Lɛkɛ-lɛkɛmɔ ha kɔ wa sising, kpoo nɛ kpoo! Amen.

Kolose 3:16

Wen pɛ Christ ade le ha soko ɛnɛ hebhe. Ɛnɛ aosi mɔ ha may, nɛ ɛnɛ ambo may nɛ mbaramɔ fɛt. Ɛnɛ abe hio *gima pɛ David, hio gima lukisi Sɔ, hio gima ka tɛ nɛ wal *Nzɔy-Sɔtɛ nɛ sila ɛnɛ fɛt hazu ha oeba ha Sɔ.

Jacques 1:25

Ma, totɛ ha wi ka gɛri *mbonga pɛ Sɔ gdoo, nɛ ka de tom lɛm nɛ yo. Wɛnɛ tɛ ze yo sɔna nɛ zala na, nɛ tazu wa tɛ bisi nɛ yo na. Ma, wɛnɛ ha pama mbonga pɛ Sɔ, ka lɛma wɛɛ, nɛ ka gde ɔ sɛɛ. Mɛgi wɛnɛ bedung nɛ totɛ ha deamɔ pɛa.

Hebro 5:14

Ma, nga yɔngamɔ lɛma nɛ zɔma wi ka yamba wal mɛ de mɔ ka lɛma, nɛ ka li wa bhaa hazu ing wal mɛ gba soko dedemɔ nɛ gdangamɔ.

Efeze 4:14

Ha ngimɔ ɛngi ɔ lɛm dung fin tuka hio bhobem na. Hio wan-osimɔ nɛ likisi ka ngoy osili ɔ nde, ɔ alak dede wal gde, mbwa lɛm fesi ɔ tuka gbabok mana il ɔ tuka tongbasali fin na.

Matthieu 13:52

Nɛ a tɔa ha mbwa fin: «Mɛgi hio *wan-osi mbonga ndang ndang fɛt ka tɛ bo nê wan-yambimɔ mɔ *Kongakandɔ Ngɔn, mbwa dung tuka ma wan-twa ka gbosisi mbombe nɛ mɔa mɔ ha bhandi toy pɛ mbwa.»

Matthieu 5:15

Tuka ɛngi, ma wi ndang gde we ha lamba nɛ gde yo ha si kpana na. Ma, a beku yo gde ha zu solo lamba, tuka nde, hio wi ha zang twa azɔk saamɔa.

Dede Wen hazu Jésus-Christ ka Luc ngɛraka 11:35

Mɛgi, pangay, tuka nde saamɔ ka dung ha tɛ mɛ, adung tutum na.

Dede Wen hazu Jésus-Christ ka Luc ngɛraka 11:37

Ka Jésus karsa wen, ma Farizien saa wɛnɛ hazu yɔngmɔ ha pɛa. Mɛgi Jésus lea twa nɛ a dungɔnu hapɛtɛ tabolo.