Dede Wen hazu Jésus-Christ ka Luc ngɛraka 11:15 - Takarata pɛ Sɔ Mbombe Mbon

¹⁵ Hio ma wi ha soko mbwa tɔa: «Wɛnɛ yin gdanga sɔtɛ nɛ ngatɛ pɛ *Satan, wan-zu hio gdanga sɔtɛ.»

Dede Wen hazu Jésus-Christ ka Luc ngɛraka 11:15 Referans Kwoze

Matthieu 9:34

Ma hio *Farizien tɔa: «Wɛnɛ yinɔ gdanga sɔtɛ nɛ wal ngatɛ pɛ wan-zu hio gdanga sɔtɛ.»

Jean 10:20

Hio dɔka wi ha soko mbwa tɔa: «Wɛnɛ nê bala ha kɔ gdanga sɔtɛ. Bili ha dea wɛnɛ. Ɛnɛ ze wen pɛa hazu ge?»

Jean 8:52

Hio zuife tɔa ha wɛnɛ: «Kpasawen, sising, ɔ ingɔ long nde, mɛ nê wan-dua. Abraham hinɛ hio *wan-tɔkuliwen fɛt fea. Ma, mɛ tɔ nde, wi ka de mɔ lɛm nɛ wen pɛ mɛ, a lɛm fe kpoo na.

Jean 8:48

Hio *zuife kiforo wen ha Jésus: «Mɛ nê wi mɛ *Samari, ka dua ha zang wa. Ɔ tɔa tɛwen na nde?»

Jean 7:20

Mɛgi, giliwi ndɔng kiforo wen ha wɛnɛ: «Mɛ nɛ ma dua ha zang mɛ. O ha ngoy mɛ gbɛ mɛ o?»

Matthieu 10:25

Yo lɛma nde, wan-yambimɔ atɛ tuka wan-osimɔ pɛa, nɛ wan-tom tuka wan pɛa. Nɛ ka ɛ sa wan-twa nde, *Satan, bo nɛ ɛ befɛngsi hio wi mɔ twa pɛa pen ɛngi, na nde?»

Matthieu 4:24

Nɛ kasi tɛ wa yambala hɔ ha kandɔnu Siri fɛt. Mɛgi ɛ kaya hio wi ndɔng fɛt ka dung nɛ tili zɛlɛ nɛtɛ-nɛtɛ tɛnɛ ha pɛa, nɛ fin hio bala ha kɔ gdanga sɔtɛ, hio wan-zɛlɛ bedole, nɛ hio wan-zɛlɛ mɛla. Nɛ Jésus kpasasa mbwa fɛt.

Matthieu 12:22

Hapata ɛ kuo ma wi tɛnɛ ha pɛ Jésus. Wɛnɛ nê wan-gdɔka li nɛ wan-gdɔka nu hazu gdanga sɔtɛ ha zang tɛ wa. Jésus kpasasa wi ɛngɛ, nɛ wɛnɛ angara zɔka mɔ nɛ wola mɔ.