Dede Wen hazu Jésus-Christ ka Luc ngɛraka 10:37 - Takarata pɛ Sɔ Mbombe Mbon

³⁷ Nɛ wɛnɛ kiforo wen: «Yo nê wi kɛ ka dea kobhe tɛ wa.» Mɛgi Jésus tɔa ha wɛnɛ: «Mɛ nɛ, nɛ mɛ de gbesi.»

Dede Wen hazu Jésus-Christ ka Luc ngɛraka 10:37 Referans Kwoze

1 Pierre 2:21

Sɔ saa ɛnɛ mɛ de mɛgi hazu Christ nɛ pɛa tɛ kpaa yeksamɔ hazu ɛnɛ fin. A osa wal ha ɛnɛ nde, ka ɛnɛ ade mɔ tuka ka wɛnɛ dea.

2 Korente 8:9

Ɛnɛ ingɔ nde, Kongawan pɛ ɔ, Jésus-Christ, ha dea dede sila pentɛ. Wɛnɛ ka badung nê wan-kpamɔ, tɛ bo nê fabha wi hazu ɛnɛ tuka nde, ɛnɛ atɛ hio wan-kpamɔ nɛ wal tɛa fabha wi pɛa.

Matthieu 23:23

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ ha ha Sɔ fin zu bebe mɔ tuka va, salala, nɛ wakpo fɛt. Ma, ɛnɛ laka gasa mɔ pɛ mbonga gde. Yo nê deamɔ nzeng, dea kobhe tɛ wi, nɛ dungɔa nɛ mboazu. Lɛma nde, ɛnɛ ade gasa mɔ ndɔng, nɛ ɛnɛ alak haa zu mɔ fin gde na!

Efeze 5:2

Ha zang deamɔ pɛ ɛnɛ fɛt, lɛma nde, ɛnɛ abhɔn ka ha ngoya hio ma ɛnɛ. Ɛnɛ de mɔ gbesi tuka Christ ka ngoya ɔ, nɛ ka fea gɔn zu ɔ. Fio pɛa dung tuka dede sadaka ka pɛla dung nɛ kuloa siing, nɛ ka ha totɛ ha Sɔ.

Gbasamɔ 1:5

Jésus-Christ nê mboazu wan-kɛwen, bosi wi ka guotɛ ha soko hio fiowi, nɛ gasa wan hazu hio *kongapora mɔ nu ɛngɛ fɛt. A ngoya ɔ, nɛ a yanga ɔ ha si *sɛmbɔ pɛ ɔ nɛ wal tɔktɛ wa.

Matthieu 20:28

Gbesi tuka ɛngi, mi, *Bewei pɛ Wi, mi tɛ tɛ nde, ka hio wi ade tom ha mi na. Ma, mi tɛa hazu de tom ha hio wi. Nɛ mi tɛa hazu ha tunɔ pɔm tuka mɔ gbosisi dɔka wi ha si bala pɛ gdangamɔ.»

Dede Wen hazu Jésus-Christ ka Luc ngɛraka 10:36

Nɛ Jésus ana wan-osi mbonga: «O ha soko wi ndɔng tar nê ma mɛ wi kɛ, ka teka ha kɔ hio wanzu, o nde? Mɛ takiri pɛ mɛ nde ge?»

Dede Wen hazu Jésus-Christ ka Luc ngɛraka 10:38

Ka Jésus hinɛ hio *wan-yambimɔ boka ha liwal, a lea ha ma le. Haki, ma bhoko, ling wa nde Marthe, baa wɛnɛ nɛ dede kɔ ha twa pɛa.