Dede Wen hazu Jésus-Christ ka Luc ngɛraka 10:27 - Takarata pɛ Sɔ Mbombe Mbon

²⁷ Mɛgi a kiforo wen: «Mɛ ngoy *Kongawan, Sɔ pɛ mɛ nɛ sila mɛ fɛt, nɛ tunɔ pɛ mɛ fɛt, nɛ ngatɛ pɛ mɛ fɛt, nɛ takaramɔ pɛ mɛ fɛt. Nɛ mɛ ngoy ma mɛ tuka tɛ mɛ.»

Dede Wen hazu Jésus-Christ ka Luc ngɛraka 10:27 Referans Kwoze

Rome 13:9

Kpasawen, hio wen mbonga tɔa nde, «Ka mɛ ade wanza na, ka mɛ agbɛ wi na, ka mɛ azu mɔ na, ka mɛ agol mɔ na.» Hio wen mbonga ndɔng nɛ hio mbinga fɛt, wesara may ha zang ndanga mbonga ka tɔ nde, «Mɛ ngoy ma mɛ tuka tɛ mɛ.»

Jacques 2:8

Takarata pɛ Sɔ osi *mbonga pɛ Kongakandɔ pɛa nde, «Mɛ ngoy ma mɛ tuka tɛ mɛ.» Ey, ka ɛnɛ lɛmsiri mbonga ɛngɛ, yo nɛ dedea pentɛ.

1 Jean 3:18

Mɛgi, hio bem pɔm, ka ɔ angoy hio ya ɔ sɔna nɛ wal wen nu ɔ na. Ma, ɔ angoy hio ya ɔ nɛ wal deamɔ ka lɛm nɛ tɛwen pɛ Sɔ.

Hebro 8:10

Mbombe mbon ka mi benɔ ha soko mi hinɛ hio wi mɔ Israel ha ngimɔ ɛngi, yo bedung tuka ɛngɛ: Mi begɔn mbonga pɔm ha takaramɔ pɛ mbwa, nɛ mi begde yo fin ha zang sila mbwa. Mi bedung nê Sɔ pɛ mbwa, nɛ mbwa bedung nê kandɔ pɔm. Yo nê mi Kongawan ha tɔ mɛgi.

Galasi 5:13

Ka bo nê pɛ ɛnɛ, hio ya mi, Sɔ saa ɛnɛ mɛ dung nê bele. Mɔ ndang sɔna, ɛnɛ ka dung nê bele sising, ka ɛnɛ atakiri nde, ɛnɛ lɛma de mɔ fɛt tuka sila ɛnɛ ngoya na. Ma, lɛma nde, ɛnɛ angoy may, nɛ ɛnɛ agbakiri may.

Matthieu 19:19

Mɛ ba bafa mɛ nɛ nana mɛ nɛ zioa. Mɛ ngoy ma mɛ tuka tɛ mɛ.»

Dede Wen hazu Jésus-Christ ka Luc ngɛraka 10:26

Jésus kiforo wen ha wɛnɛ: «Mbonga pɛ Moïse tɔ nde ge? Mɛ tɔl nɛ nge wen ge?»