Dede Wen hazu Jésus-Christ ka Luc ngɛraka 10:15 - Takarata pɛ Sɔ Mbombe Mbon

¹⁵ Nɛ ɛnɛ, hio wi mɛ le Kapernaum, ɛnɛ takiri nde, Sɔ begu ɛnɛ ha ngɔn nde? Way! Sɔ bezilsi ɛnɛ kanɛ bhandi pɛ fiowi.»

Dede Wen hazu Jésus-Christ ka Luc ngɛraka 10:15 Referans Kwoze

Matthieu 4:13

A tɛ bhɔn ha le Nazaret na, ma, a pena nɛ de le ha Kapernaum, ma le ha nukolo tɔ Galile, ha kandɔnu Zabulon nɛ Neftali.

2 Pierre 2:4

Kpasawen, Sɔ tɛ de kobhe tɛ hio *telenge ndɔng ka bade gdangamɔ sɔngsi, na. Ma, a pio mbwa ha bhandi yɔng nzata. Mbwa dung haki nɛ sanga kɔ ha bhandi ngɛ-ngɛ-ngɛ tutum keri nɛ ngimɔ kita pɛ Sɔ.

Dede Wen hazu Jésus-Christ ka Luc ngɛraka 13:28

Ha zang Kongakandɔ pɛ Sɔ ɛnɛ bezɔk hio ngbabafa ɛnɛ Abraham, Isaac nɛ Jacob nɛ hio *wan-tɔkuliwen fɛt. Ma, pɛ ɛnɛ, ɛnɛ begdɔri nɛ kwa, nɛ ɛnɛ beyɔng nzata nɛ yimtɛ, hazu ɛ beyin ɛnɛ pi ha dɛl.

Matthieu 11:23

Nɛ ɛnɛ, hio wi mɛ le Kapernaum, ɛnɛ takiri nde, Sɔ begu ɛnɛ ha ngɔn nde? Way! Sɔ bezilsi ɛnɛ kanɛ bhandi pɛ fiowi. Hazu ka bo se nde, hio wi mɛ le Sodome bazɔk hio mɔkifi, ka hɔa ha le pɛ ɛnɛ, ki le Sodome bhɔna kanɛ swe mɛsɛ.

Matthieu 10:28

Nɛ ka ɛnɛ ayu ke hio wi ka lɛm gbɛ multɛ pɛ ɛnɛ na, hazu mbwa lɛm gbɛ sɔtɛ pɛ ɛnɛ na. Ma, ɛnɛ yu nɛ ke Sɔ, hazu a lɛma bhondisi multɛ nɛ sɔtɛ ha bhandi we ka bisi na.

Dede Wen hazu Jésus-Christ ka Luc ngɛraka 16:23

A zilo ha bhandi pɛ hio fiowi, nɛ haki wɛnɛ yɔnga nzata nɛdɔka. Ka wɛnɛ guo li, a zɔka Abraham nɛyɛa nɛ Lazare ha ngbolokɔ wa.