Dede Wen hazu Jésus-Christ ka Luc ngɛraka 1:79 - Takarata pɛ Sɔ Mbombe Mbon

⁷⁹ Saamɔ kɛ beba ha zu wi, ka mbwa dungnu ha zang tutum. Saamɔ kɛ beba ha zu wi, ka dung ha si fio. Nɛ yo beyolsi nanga ɔ, nɛ yo bengbɔsi ɔ, tuka nde, ɔ fɛt anɛ nɔ ha dede wal gaamɔ pɛ Sɔ.»

Dede Wen hazu Jésus-Christ ka Luc ngɛraka 1:79 Referans Kwoze

Matthieu 4:16

Hio wi mɔ kandɔ ka de le ha zang tutum, zɔka gasa saamɔ. Nɛ saamɔ baa zikiri ɛ ndɔng, ka dung ha tutum kandɔnu fio.»

Deamɔ 26:18

Mi betomsi mɛ hazu gbosisi gbali mbwa nde, mbwa agbo ha tutum tɛ ha saamɔ, gbo ha si ziomɔ pɛ *Satan tɛ ha pɛ Sɔ. Ka mbwa mɛkara mi, mi bebisi *sɛmbɔ pɛ mbwa, nɛ mi begde mbwa ha soko hio nzɔy wi pɛ Sɔ.›»

Efeze 5:8

Sɔngsi, ɛnɛ badung ha zang tutum. Ma, sising, nɛ wal dea sɔy hinɛ *Kongawan, ɛnɛ dung ha zang saamɔ. Mɛgi, dea nde, ɛnɛ ade mɔ tuka wi ka dung ha zang saamɔ.

Jean 12:46

Pɔm, mi tɛa ha nzan tuka saamɔ nde, wi ndang ndang fɛt ka mɛkiri mi, adung ha zang tutum fin na.

Jean 8:12

Hapata, Jésus osamɔ ha hio giliwi nɛ mbinga. A tɔa: «Mi nê saamɔ ka ba ha nzan. Wi ka ndari mi, a lɛm nɛ nɔ ha zang tutum fin na, hazu wɛnɛ kpaa saamɔ ka ha tunɔ.»

Jean 9:5

Ha ngimɔ ka mi ang ha nzan, mi nê saamɔ ka ba ha nzan.»

Jean 1:9

Wi ka ɛ sa nde, Wen, nê ngbak saamɔ ka tɛa ha zang nzan, nɛ wɛnɛ ha baa ha zu hio wi fɛt buee.

Dede Wen hazu Jésus-Christ ka Luc ngɛraka 2:32

Wɛnɛ nê saamɔ ka begbasi mɛ ha hio kandɔ ka tɛ ing mɛ na. Nɛ hazu wɛnɛ bedung *lɛkɛ-lɛkɛmɔ pɛ Israel, kandɔ pɛ mɛ.»

Rome 3:17

Mbwa ing wal mɛ dung nɛ gaamɔ ha soko hio wi na.

Deamɔ 10:36

Sɔ tomsa *Dede Wen ha hio wi mɔ *Israel nde, ɔ lɛma kpa gaamɔ ha soko ɔ hinɛ wɛnɛ nɛ wal Jésus-Christ, ka dung nê *Kongawan pɛ hio wi fɛt.