Dede Wen hazu Jésus-Christ ka Luc ngɛraka 1:75 - Takarata pɛ Sɔ Mbombe Mbon

⁷⁵ Mɛgi ɔ bedung nɛ nzɔya ha li Kongawan Sɔ. Nɛ ɔ bede hio nzeng mɔ, ka wɛnɛ ngoya kpoo nɛ kpoo.

Dede Wen hazu Jésus-Christ ka Luc ngɛraka 1:75 Referans Kwoze

Efeze 4:24

Ɛnɛ ayol mbombe tɛ wi ka Sɔ bhɔngara gde nde, yo aba may nɛ pɛa. Mbombe tɛ wi ɛngɛ de mɔ nzeng, nɛ nzɔya nɛ tɛwen.

Efeze 2:10

Hazu ɔ fɛt, ɔ nê mɔ ka Sɔ dea. A dea ɔ nɛ wal Jésus-Christ tuka nde, ɔ ade hio dedemɔ, ka wɛnɛ babhɔngiri sɔngsi gde nde, ɔ ade yo.

2 Timothée 1:9

Yo nê Sɔ ka kpasasa ɔ, nɛ ka saa ɔ mɛ dung nê kandɔ pɛa. A dea mɛgi, bo hazu dede deamɔ pɛ ɔ na, ma, hazu a bheka yo nɛ *dede sila pɛa. A bheka mɛ de dede sila ha tɛ ɔ nɛ wal Jésus-Christ sɔngsi bhee gde ka wɛnɛ tɛ de ka nzan na.

Efeze 1:4

Sɔngsi bhee gde ka Sɔ tɛ de ka nzan na, a weka ɔ nɛ wal ngoy pɛa tuka nde, ɔ adung nê hio wi pɛa nɛ wal dea sɔy hinɛ Christ, nɛ fin nde, ɔ adung nɛ nzɔya nɛ ma wen bo ha zu ɔ ha li wa na.

1 Tesalonike 4:7

Hazu Sɔ tɛ sa ɔ nde, ka ɔ ade hio mɔ nzing na. Ma, a saa ɔ nde, ka ɔ ade mɔ nɛ nzɔya.

2 Tesalonike 2:13

Pɛ ɔ, lɛma nde, ɔ aha oeba ha Sɔ swe fɛt hazu ɛnɛ, hio ya ɔ, ka *Kongawan ngoya pentɛ. Hazu, sɔngsi bhee gde ka Sɔ tɛ de ka nzan na, a weka ɛnɛ hazu kpasisi ɛnɛ. A kpasasa ɛnɛ nɛ wal *Nzɔy-Sɔtɛ ka gde ɛnɛ nɛ nzɔya ha li wa, nɛ fin nɛ wal mɛkaramɔ ka ɛnɛ mɛkiri nɛ tɛwen.

1 Tesalonike 4:1

Hio ya ɔ, ma wen mɛ tɔ fin ang. Ɛnɛ bayambi ha kɔ ɔ wal deamɔ ka ha totɛ ha Sɔ. Nɛ ɛnɛ ndara yo nɛkpasa. Ma, sising, ɔ ani ha ɛnɛ nɛ ɔ mbo ɛnɛ nɛ ling *Kongawan Jésus nde, ɛnɛ andari wal deamɔ ɛngɛ pen mɔ sɔngsi.

Matthieu 1:21

Wɛnɛ bebhɛ nɛ bewei. Nɛ mɛ begbal ling wa nde Jésus. Hazu yo nê wɛnɛ ka bekpasisi wi mɔ kandɔ pɛa ha *sɛmbɔ pɛ mbwa.»

Dede Wen hazu Jésus-Christ ka Luc ngɛraka 1:74

Kongawan Sɔ kpasasa ɔ ha kɔ hio ngana pɛ ɔ. Nɛ ɔ de tom pɛa swe fɛt, hazu ke bo fin na.