Dede Wen hazu Jésus-Christ ka Luc ngɛraka 1:74 - Takarata pɛ Sɔ Mbombe Mbon

⁷⁴ Kongawan Sɔ kpasasa ɔ ha kɔ hio ngana pɛ ɔ. Nɛ ɔ de tom pɛa swe fɛt, hazu ke bo fin na.

Dede Wen hazu Jésus-Christ ka Luc ngɛraka 1:74 Referans Kwoze

2 Timothée 1:7

Hazu, Sɔtɛ ka Sɔ haa ha ɔ, bo nê mɔ ke na, ma, mɔ ngatɛ, mɔ ngoy, nɛ mɔ mbaramɔ.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.

Gbasamɔ 2:10

Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.

Hebro 2:15

A fea hazu yangi hio wi ka dung nê bala ha si ke fio ha ngimɔ tunɔ pɛ mbwa fɛt.

Rome 8:15

Ɛnɛ kpaa Nzɔy-Sɔtɛ bo hazu gde ɛnɛ bala ka dung fin nɛ ke na, ma, hazu gde ɛnɛ hio bem pɛ Sɔ. Yo nê Nzɔy-Sɔtɛ ka ha ɔ wal mɛ sa Sɔ nde, Abba, Bafa ɔ.

Dede Wen hazu Jésus-Christ ka Luc ngɛraka 1:71

Sising Sɔ bekpasisi ɔ ha kɔ ngana pɛ ɔ. Nɛ fin wɛnɛ beyangi ɔ ha kɔ wan-sɛn ɔ fɛt.

Rome 6:22

Sising, ɛnɛ bo fin nê bala ha si gdangamɔ na, ma, ɛnɛ tɛ bo nê bala pɛ Sɔ. Mɔ ka ɛnɛ kpaa ha lia, yo nde, ɛnɛ tɛ bo ha dea mɔ nɛ nzɔya, nɛ ɛnɛ bekpa *tunɔ kpoo ha kpogioa.

Dede Wen hazu Jésus-Christ ka Luc ngɛraka 1:73

ka wɛnɛ banɔ se hinɛ ngbabafa Abraham.

Dede Wen hazu Jésus-Christ ka Luc ngɛraka 1:75

Mɛgi ɔ bedung nɛ nzɔya ha li Kongawan Sɔ. Nɛ ɔ bede hio nzeng mɔ, ka wɛnɛ ngoya kpoo nɛ kpoo.