Kolose 3:24 - Takarata pɛ Sɔ Mbombe Mbon

²⁴ Ɛnɛ aing nde, Kongawan bekɛ ɛnɛ. A beha ɛnɛ mɔ ka wɛnɛ bhɔngara keri nɛ hio wi pɛa. Kpasa wan ka ɛnɛ de tom ha wɛnɛ, yo nê Christ.

Kolose 3:24 Referans Kwoze

Efeze 6:8

Tazu ɛnɛ agba nde, Kongawan bekɛ wi ndang ndang fɛt lɛm nɛ tom ka wia dea. Ngase ka wia nê bala mana bele.

Dede Wen hazu Jésus-Christ ka Luc ngɛraka 14:14

Mɛgi mɛ bedung nɛ totɛ hazu mbwa bo nɛ mɔ mɛ kɛ mɛ na. Nɛ Sɔ bekɛ mɛ ha ngimɔ ka hio *nzeng wi begutɛ ha fio.»

Galasi 1:10

Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

1 Korente 7:22

Hazu, bala ka Kongawan saa wɛnɛ kari, a tɛ bo nê wi ka Kongawan gdea wɛnɛ sɛɛ. Yo fin gbesi nɛ wi ka dung sɛɛ. Ka Kongawan saa wɛnɛ kari, a tɛ bo nê bala pɛ Christ.

Deamɔ 20:32

«Nɛ sising, mi gde ɛnɛ ha kɔ Sɔ nɛ ha wen dede sila pɛa. Wen ɛngɛ lɛma ngasisi ɛnɛ nɛ ha ɛnɛ dede mɔ, ka Sɔ bhɔngara hazu hio wi pɛa.

Hebro 11:6

Ka ma wi tɛ mɛkiri ka Sɔ na, Sɔ lɛm de totɛ tɛ wa na. Hazu wi ka tiki nɛ hapɛtɛ Sɔ hazu gɔ wɛnɛ, dea ka de nde, wia amɛkiri nde, Sɔ ang. Nɛ dea fin nde, wia aing nde, Sɔ bekɛ wi ndɔng ka ki wal mɛ ing wɛnɛ.

Hebro 10:35

Mɛgi, ɛnɛ bhɔn ka ha gdea tazu ɛnɛ ha tɛ Sɔ, hazu Sɔ bekɛ ɛnɛ nɛ gasa mɔ.

Efeze 6:6

Lɛma nde, ka ɛnɛ ade yo nɛ peali mana hazu ki longo pɛ wi na. Ma, ɛnɛ ade yo tuka hio bala pɛ Christ ka ha sila mbwa fɛt ha dea mɔ ka Sɔ ngoya.

Matthieu 5:46

Ma, ka ɛnɛ ngoy sɔna nɛ wi ndɔng ka ngoy ɛnɛ, Sɔ bekɛ ɛnɛ mɛng? Hazu hio wan-ndɛm mbɔli garama ha dea fin gbesi.

Matthieu 5:12

Ɛnɛ de totɛ nɛ gaga, hazu mɔ-kɛ ɛnɛ nɛ gasaa ha zang ngɔn. Hio *wan-tɔkuliwen ka badung sɔngsi nɛ ɛnɛ, ɛ banamili mbwa gbesi tuka ɛngi fin.»

Jude 1:1

Yo nê mi, Jude, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ mi fin nê bebe ya mɛ Jacques. Mi ngɛriki takarata ɛngɛ ha ɛnɛ, hio wi ka Sɔ, Bafa ɔ, weka. A ngoya ɛnɛ pentɛ, nɛ wɛnɛ ha pama ɛnɛ nɛ wal Jésus-Christ.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

Kolose 2:18

Hio ma wi ha dea tom Sɔ nɛ wal zimɔ hio ma mɔ. Mbwa lukisi hio *telenge, nɛ mbwa ba hio lisɔ pɛ mbwa nɛ zioa. Ka ɛnɛ agde mbwa agɔn kita ha zu ɛnɛ na, hazu takaramɔ pɛ mbwa tɛ nɛ ndɔkitɛ mbwa, nɛ mbwa ha suotɛ nɛgbelea.

1 Korente 3:8

Wi ka gun mɔ nɛ wi ka a li ang, mbwa pen may na. Sɔ bekɛ mbwa bwa fɛt lɛm nɛ tom ka mbwa dea.

Dede Wen hazu Jésus-Christ ka Luc ngɛraka 6:35

Ma, ɛnɛ angoy hio ngana pɛ ɛnɛ, nɛ ɛnɛ ade dedemɔ ha tɛ mbwa. Ɛnɛ aha mbee ha ma wi, ma ɛnɛ atakiri hazu wen kiforo yo na. Ka ɛnɛ de mɛgi, mɔ-kɛ ɛnɛ nɛ gasaa ha zang ngɔn, nɛ ɛnɛ bedung hio bem pɛ Sɔ, ka dung ha kuso ngɔn. Hazu wɛnɛ ha dea dedemɔ fin ha tɛ hio gdanga wi, nɛ ha tɛ wi ndɔng ka ing tɔa ‹oeba› na.

Matthieu 6:16

«Ka ɛnɛ zim yɔngamɔ hazu gɔ Sɔ, ɛnɛ dung tuka wan-ngɔtɛ na. Hazu yo nê hio wan-dambari ka de mɔ mɛgi. Mbwa kay sɔngsi mbwa hazu osi ha hio wi nde, mbwa ha zimɔ yɔngamɔ. Kpasawen, mi tɔ ha ɛnɛ nde, mbwa kpaa mɔ kɛ mbwa kari.

Matthieu 6:5

«Ka ɛnɛ gɔ Sɔ, ka ɛnɛ adung tuka hio wan-dambari na. Hazu ka mbwa gɔ Sɔ ha *twa gɔ Sɔ nɛ ha sabhaka wal, mbwa yol ha ngɔn tuka nde, hio wi azɔk mbwa. Kpasawen, mi tɔ ha ɛnɛ nde, mbwa kpaa mɔ-kɛ mbwa kari.

Rome 14:18

Wi ka de tom ha Christ tuka ɛngi, Sɔ bede totɛ tɛ wa, nɛ hio wi betɔ dede lingtɛ wa.

Rome 1:1

Yo nê mi Paul, wan-tom pɛ Jésus-Christ ha ngɛriki takarata ɛngɛ tomsi ha ɛnɛ. Sɔ weka mi gde tuka *wan-nɛtom pɛa nde, mi anɛ nɛ bul *Dede Wen pɛa.

Jean 12:26

Ka ma wi ngoy mɛ de tom ha kɔ mi, lɛma nde, wɛnɛ andari mi. Nɛ wan-tom pɔm bedung ha bhandi ka mi dung ang. Bafa mi belukisi wi ka de tom ha kɔ mi.»

Matthieu 10:41

Wi ka baa *wan-tɔkuliwen nɛ dede kɔ hazu yo nê wan-tɔkuliwen, Sɔ bekɛ wɛnɛ tuka wan-tɔkuliwen. Nɛ wi ka baa *nzeng wi nɛ dede kɔ, hazu yo nê nzeng wi, Sɔ bekɛ wɛnɛ tuka nzeng wi.

Hebro 9:15

Hazu ɛngi, Christ nê wan-bhɔngiri mbombe mbon ha soko Sɔ hinɛ hio wi. Mɛgi, hio wi ndɔng ka Sɔ besa, mbwa bekpa hio dedemɔ, ka Sɔ gɔna nua mɛ ha tuka likɔ ka bebhɔn kpoo. Mɔ dung mɛgi, hazu Christ fea hazu yangi hio wi ha gdangamɔ ka mbwa dea ha si bosi mbon.

1 Korente 11:23

Kpasawen, osamɔ ka Kongawan baosi ha mi, mi osa yo ha ɛnɛ kari, yo nde: Ha zang zɛ ka ɛ haa kasatɛ wa, Kongawan Jésus baa mampa,

1 Pierre 1:4

Sɔ beha ɔ tunɔ ɛngɛ tuka likɔ ka lɛm yek na, ka lɛm ba nzing na, nɛ ka lɛm mɛ yɔmbi na. Wɛnɛ ha pama yo ha zang ngɔn hazu ɛnɛ.