Kolose 3:19 - Takarata pɛ Sɔ Mbombe Mbon

¹⁹ Hio wei, ɛnɛ angoy ko pɛ ɛnɛ. Ka ɛnɛ adung nɛ yimsila sungiri nɛ mbwa na.

Kolose 3:19 Referans Kwoze

1 Pierre 3:7

Yo fin gbesi nɛ ɛnɛ, hio wei. Ha dea le hinɛ ko pɛ ɛnɛ, ɛnɛ aing nde, mbwa bo nɛ ngaya tuka ɛnɛ na. Ɛnɛ ba mbwa nɛ zioa, hazu ndangtɛ tunɔ ka Sɔ beha ha ɛnɛ nɛ gangtɛ, a beha yo ha mbwa fin gbesi. Ɛnɛ de mɛgi tuka nde, ma mɔ adol Sɔ mɛ ze gɔamɔ pɛ ɛnɛ ndang na.

Kolose 3:21

Hio gdibafa, ka ɛnɛ ayimsi sila hio bem pɛ ɛnɛ na, yu nde, ɛnɛ betɛ ku da ha sila mbwa yunɛ.

Efeze 5:25

Nɛ ɛnɛ, hio wei, dea nde, ɛnɛ angoy hio ko pɛ ɛnɛ nɛ ndangtɛ ngoy ka Christ ngoya nɛ giliwi mɔ eglize pɛa. Wɛnɛ fea gɔn zu mbwa,

Efeze 4:31

Mɛgi, ka gdanga sila, yimsila nɛ ngambi adung ha soko ɛnɛ na. Ka ɛnɛ atubhi da ha soko may mana ya may fin na. Nɛ ɛnɛ alak hio tili gdangamɔ nɛtɛ-nɛtɛ fɛt gde.

Efeze 5:33

Ma, yo fin gbesi nɛ ɛnɛ. Dea nde, wei ndang ndang fɛt angoy ko pɛa tuka tɛ wa. Nɛ dea nde, bhoko ndang ndang fɛt aba wei pɛa nɛ zioa.

Jacques 3:14

Ma, ka ɛnɛ de nga sila nɛ ɛnɛ ha kio wen sungiri nɛ may, ka ɛnɛ asutɛ na. Ɛngi tɛ bo nê kiforo tɛwen ha dalo.

Dede Wen hazu Jésus-Christ ka Luc ngɛraka 14:26

«Ka ma wi ngoy ndari mi, wɛnɛ angoy mi pen bafa wa nɛ nana wa, pen ko nɛ hio bem pɛa, nɛ pen hio ya wa. Nɛ wɛnɛ angoy mi fin pen tɛ wa nɛ pɛa tɛ. Ka bo mɛgi na, wɛnɛ lɛm dung *wan-yambimɔ pɔm na.

Rome 3:14

Nu mbwa dona nɛ panga fomi.