Kolose 3:13 - Takarata pɛ Sɔ Mbombe Mbon

¹³ Ɛnɛ aba sila nɛ may, nɛ ɛnɛ abisi *sɛmbɔ pɛ may ngimɔ fɛt ka ɛnɛ nɛ ma wen sungiri nɛ may, gbesi tuka ka *Kongawan biso nɛ sɛmbɔ pɛ ɛnɛ fin.

Kolose 3:13 Referans Kwoze

Efeze 4:32

Lɛma nde, ɛnɛ ade dedemɔ ha tɛ may nɛ de kobhe tɛ may fin. Ɛnɛ abisi *sɛmbɔ ka hio wi de ha tɛ ɛnɛ, gbesi tuka ka Sɔ biso nɛ sɛmbɔ pɛ ɛnɛ nɛ wal tom ka Christ dea.

Marc 11:25

Ka ɛnɛ ngoy mɛ gɔ Sɔ, nɛ ka ɛnɛ nɛ ma wen hinɛ ma wi, ɛnɛ abisi *sɛmbɔ ka wɛnɛ dea ha tɛ ɛnɛ. Mɛgi Bafa ɛnɛ ha zang ngɔn bebisi sɛmbɔ pɛ ɛnɛ. [

Jacques 2:13

Hazu, wi ka de kobhe tɛ ma wa na, Sɔ lɛm de fin kobhe tɛ wia ha ngimɔ kita na. Ma, wi ka de kobhe tɛ wi, Sɔ lɛm gɔn kita ba wɛnɛ na.

Efeze 4:2

Ɛnɛ dung ka swe fɛt nɛ mɛndi, nɛ gaa, nɛ yikosila ha soko may. Ɛnɛ aba sila nɛ may nɛ ngoy.

Matthieu 6:12

Ha ɔ *tiso hazu gdangamɔ pɛ ɔ, tuka ɔ haa tiso ha wi ndɔng, ka de gdangamɔ ha tɛ ɔ.

2 Korente 6:6

Ma, sila ɔ nɛ saa, ɔ ingɔ tɛwen pɛ Sɔ, ɔ ha baa sila nɛ kɔ, ɔ ha dea ngay, sila ɔ dona nɛ *Nzɔy-Sɔtɛ, ɔ ha ngoya hio wi nɛ sila ndang,

Galasi 6:2

Ɛnɛ agbakiri may ha zang hio ngamɔ. Ka ɛnɛ de mɛgi, ɛnɛ belɛmsiri *mbonga pɛ Christ.

2 Korente 2:10

Nɛ ka ɛnɛ ha tiso ha ma wi, mi bede fin gbesi. Ka ma mɔ ang, ka mi lɛma mɛ ha tiso hazua, mi dea yo kari ha li Christ hazu wen pɛ ɛnɛ.

Dede Wen hazu Jésus-Christ ka Luc ngɛraka 23:34

Nɛ Jésus tɔa: «Bafa mi, bisi *sɛmbɔ pɛ mbwa, hazu mbwa ing mɔ ka mbwa de na.» Nɛ hio wan-bibulo kapana la pɛa ha soko may nɛ wal dea mbela.

Dede Wen hazu Jésus-Christ ka Luc ngɛraka 11:4

Bisi *sɛmbɔ pɛ ɔ, hazu ɔ ha biso sɛmbɔ pɛ hio *wan-de gdangamɔ ha tɛ ɔ fɛt. Lesisi ɔ ha *sɛbhalamɔ na.»

Matthieu 5:44

Ma, pɔm, mi tɔ ha ɛnɛ nde, ɛnɛ angoy hio ngana pɛ ɛnɛ, nɛ ɛnɛ agɔ Sɔ hazu wan-namili ɛnɛ.

1 Pierre 2:21

Sɔ saa ɛnɛ mɛ de mɛgi hazu Christ nɛ pɛa tɛ kpaa yeksamɔ hazu ɛnɛ fin. A osa wal ha ɛnɛ nde, ka ɛnɛ ade mɔ tuka ka wɛnɛ dea.

Rome 15:7

Ɛnɛ aba may nɛ dede kɔ gbesi tuka Christ baa ɛnɛ. Nɛ wal dea mɛgi ɛnɛ belukisi Sɔ.

Kolose 3:12

Sɔ ngoya ɛnɛ nɛ wɛnɛ weka ɛnɛ tuka nzɔy kandɔ pɛa. Mɛgi, dea nde, ɛnɛ ayol mbombe tɛ wi, ka de kobhe tɛ wi, ka de dedemɔ, ka hil nɛ mɛndi, ka dung nɛ gaa sila nɛ yikosila.

Efeze 5:2

Ha zang deamɔ pɛ ɛnɛ fɛt, lɛma nde, ɛnɛ abhɔn ka ha ngoya hio ma ɛnɛ. Ɛnɛ de mɔ gbesi tuka Christ ka ngoya ɔ, nɛ ka fea gɔn zu ɔ. Fio pɛa dung tuka dede sadaka ka pɛla dung nɛ kuloa siing, nɛ ka ha totɛ ha Sɔ.