Jude 1:7 - Takarata pɛ Sɔ Mbombe Mbon

⁷ Tazu ɛnɛ agba fin nɛ le Sodome nɛ Gomore, nɛ hio le mɔ pɛtɛa. Hio wi mɔ le ndɔng dea mɔ nak pata pɛ hio telenge ndɔng. Mbwa haa tɛ mbwa ha dea tili wanza fɛt, nɛ fin, mbwa ɔa nu nɛ hio sari. Sising, mbwa ha yɔnga nzata ha we ka besisi kpoo. Nɛ wal mbwa Sɔ gbaa tazu ɔ long.

Jude 1:7 Referans Kwoze

2 Pierre 2:6

Ka bo nê pɛ hio le Sodome nɛ Gomore, Sɔ gɔna kita ba hio wi mɛ le ndɔng fin. A besasa mbwa sɛbhɛk. Ɛngi osi ha hio *wan-kafi Sɔ mɔ ka behɔ ha tɛ mbwa.

Dede Wen hazu Jésus-Christ ka Luc ngɛraka 17:29

Ma, ha swe ka Lot gboa ha Sodome, kolo we nɛ piti ɔla, nɛ bhondasa mbwa fɛt mburr.

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

1 Korente 6:9

Ɛnɛ ingɔ nɛdedea nde, hio *wan-de gdangamɔ lɛm mɛ kpa bhandi ha *Kongakandɔ pɛ Sɔ na. Ka ɛnɛ aosili tɛ ɛnɛ na. Hio wi ka de mɔ nyɛl, ka de tom gbele sɔ, ka de wanza, ka ɔnu nɛ bhobem mana nɛ ma mbwa wei,

2 Pierre 3:7

Ma, pɛ nu nɛ ngɔn ka dung sising, Sɔ tɔa nɛ ndangtɛ wen nu wa nde, a bebesisi yo fɛt nɛ we. Wɛnɛ ha pama yo keri nɛ ngimɔ, ka wɛnɛ begɔn kita ha zu hio *wan-kafi Sɔ mɛ bhondisi nɛ mbwa.

Matthieu 11:24

Mɛgi mi tɔ ha ɛnɛ nde, ha ngimɔ ka Sɔ begɔn kita, hio wi mɛ le Sodome bekpa yeksamɔ kpasawen. Ma, pɛ ɛnɛ bepentɛ pet.»

Matthieu 10:15

Kpasawen, mi tɔ ha ɛnɛ nde, ha ngimɔ ka Sɔ begɔn kita, wɛnɛ beba hio wi mɔ le ɛngi nɛngaya pen hio wi mɔ le Sodome nɛ Gomore.»

2 Tesalonike 1:7

nɛ a beha ɛnɛ ka kpa yeksamɔ sising, ngimɔ ɔmtɛ gbesi hinɛ ɔ. A bede mɛgi ha ngimɔ ka Kongawan Jésus begu nɛ tɛ ha ngɔn mɛ pe nɛ hinɛ hio nga *telenge pɛa.

2 Tesalonike 1:8

A bepe ha zang gasa lembe we hazu ndulsi wi ndɔng ka ing Sɔ na, nɛ ka kafi mɛ de mɔ lɛm nɛ *Dede Wen tɛ Kongawan pɛ ɔ, Jésus.

2 Pierre 2:2

Hio wi nɛdɔka bendari deamɔ tum pɛ mbwa. Nɛ hio wi befɛngsi kpasa wal mɛ ndari Sɔ pi nɛ mɔ ha mbwa.