Jean 9:4 - Takarata pɛ Sɔ Mbombe Mbon

⁴ Lɛma nde, ɔ ade tom pɛ Sɔ ka tomsa mi, ha ngimɔ ka swe boka ha baa. Hazu zɛ tɛ bo sanga, nɛ ka yo hɔa, ma wi ndang lɛm de tom fin na.

Jean 9:4 Referans Kwoze

Jean 12:35

Jésus tɔa ha mbwa: «Saamɔ bhɔna ka ha soko ɛnɛ hazu bebe ngimɔ tikiring. Lɛma nde, ɛnɛ ayal ha ngimɔ ka saamɔ bhɔna ka hinɛ ɛnɛ, yu nde, tutum betɛ wang ɛnɛ. Hazu wi ka yal ha zang tutum, a ing bhandi ka wɛnɛ nɛ ang na.

Efeze 5:16

Ka ɛnɛ apensi ngimɔ pɛ ɛnɛ nɛgbelea na, ma, ɛnɛ de dedemɔ ang hazu ngimɔ ɛngɛ sising nɛ gdangaa.

Jean 4:34

Jésus tɔa ha mbwa: «Ka mi de mɔ ka wan-tomsi mi ngoya, nɛ ka mi lɛmsiri tom pɛa, ɛngɛ nê yɔngamɔ pɔm.

Galasi 6:10

Mɛgi, ha ngimɔ pɛ ɔ fɛt, ɔ ade dedemɔ ha tɛ hio wi fɛt mburr, pen fɛt ha tɛ hio ya ɔ ha zang mɛkara Christ.

Jean 17:4

Ha ngimɔ ka mi dungɔ ha nzan, mi osa lɛkɛ-lɛkɛmɔ pɛ mɛ ha hio wi nɛ wal dea tom ka mɛ haa mi mɛ de.

Kolose 4:5

Ɛnɛ ade mɔ nɛ mbaramɔ ha soko wi ndɔng ka tɛ mɛkiri Christ na. Nɛ ka ɛnɛ kpa dede ngimɔ, ka ɛnɛ apensi yo nɛgbelea na.

Jean 5:36

Ma, pɔm, mi nɛ ma kɛa wen ka pena pɛ Jean. Yo nê hio tom pɔm, ka Bafa mi haa ha mi. Nɛ hio mɔ ndɔng ka mi de, kɛ wen hazu mi nde, yo nê Bafa mi ka tomsa mi.

Jean 10:32

Mɛgi, Jésus tɔa ha mbwa: «Nɛ wal ngatɛ pɛ Bafa mi, mi dea hio dede tom nɛdɔka ha li ɛnɛ. Mɛgi, yo nê nge tom ka ɛnɛ ngoy mɛ lo mi hazua, ge nde?»

Jean 10:37

Ka mi bo ha dea tom pɛ Bafa mi na, ka ɛnɛ amɛkiri mi na.

Deamɔ 4:20

Pɛ ɔ, ɔ lɛm lak bulo wen mɔ, ka ɔ zɔka nɛ zea, gde na.»

Jean 5:19

Jésus tɔa ha hio wan-le *zuife: «Kpasawen, mi tɔ ha ɛnɛ nde, mi, Bewei, lɛm de mɔ ndang nɛ zu mi na. Mi de sɔna nɛ mɔ ka mi zɔka Bafa mi ha dea. Mɔ fɛt ka Bafa mi ha dea, mi ha dea yo gbesi.

Jean 7:33

Jésus tɔa: «Mi dung fin hinɛ ɛnɛ ngimɔ tikiring. Hapata, mi benɛ ha pɛ wi ka tomsa mi.

Matthieu 20:7

Mbwa kiforo wen: ‹Hazu ma wi ndang tɛ sa ɔ ha tom na.› Nɛ wɛnɛ tɔa ha mbwa: ‹Ɛnɛ fin, ɛnɛ nɛ ha gɔma fɔ pɔm.›

Marc 3:3

Jésus tɔa ha wi ka kɔ wa yɔmba: «Gutɛ mɛ, nɛ nɛ yol ha binsila!»