Jean 8:44 - Takarata pɛ Sɔ Mbombe Mbon

⁴⁴ Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

Jean 8:44 Referans Kwoze

Deamɔ 13:10

nɛ tɔa: «Bem pɛ *Satan, mɛ nê wan-likisi nɛ wan-nga sila, nɛ mɛ ha sungoro nzengmɔ fɛt! Hazu ge mɛ bhɔna ha tɔa nde, tɛwen pɛ *Kongawan nê wen dalo, ge nde?

1 Jean 3:12

Ka ɔ adung gbesi tuka Kain na. Kain badung nê bem pɛ gdanga sɔ. Mɛgi, a gbɛa bebe ya wa. A bagbɛ wɛnɛ hazu ge? A bagbɛ wɛnɛ hazu deamɔ pɛa dungɔ nɛ gdanga, nɛ deamɔ pɛ bebe ya wa dungɔ nzeng.

2 Korente 11:3

Mɛgi, mi ha yuo ke nde, hio ma wi betɛ gdangsi takaramɔ pɛ ɛnɛ nde, ka ɛnɛ alak mɛkara Christ nɛ saa sila nɛ mɛndi gde, gbesi tuka ka gɔk osala nɛ Eve nɛ wal likisi pɛa.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Jean 8:38

Pɔm, mi tɔ nɛ wen mɔ ka mi zɔka ha pɛ Bafa mi. Nɛ pɛ ɛnɛ, ɛnɛ de kanɛ mɔ ka ɛnɛ zea ha nu bafa ɛnɛ.»

Jean 8:41

Pɛ ɛnɛ, ɛnɛ de tom pɛ bafa ɛnɛ.» Nɛ mbwa tɔa ha wɛnɛ: «Ɔ bo nê hio bem wanza na. Bafa ɔ nê Sɔ ndang sɔna.»

1 Jean 3:15

Wi ka sɛn ya wa, wɛnɛ nê nagbɛwi. Nɛ ɛnɛ ingɔ fɛt nde, nagbɛwi bo nɛ *tunɔ kpoo ha tɛ wa na.

Matthieu 13:38

Nɛ fɔ ɛngɛ, yo nê nzan. Dede kpalmɔ, yo nê hio wi mɔ *Kongakandɔ Ngɔn. Nɛ gdanga pala, yo nê hio wi pɛ *Satan.

Jude 1:6

Tazu ɛnɛ agba fin nɛ hio *telenge ndɔng ka balak bhandi pɛ mbwa gde hazu mbwa ngoya ziomɔ pen ɛngɛ ka Sɔ haa ha mbwa. Sɔ basang mbwa nɛ zɔbhɔ kpoo, pi ha zang ngɛ-ngɛ-ngɛ tutum, keri nɛ gasa ngimɔ kita.

1 Jean 2:4

Wi ka tɔ nde, a ingɔ Sɔ, ma, a pam hio mbonga pɛ Sɔ na, wɛnɛ nê wan-tɔ dalo, nɛ tɛwen bo ang ha tɛ wa na.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»

1 Pierre 5:8

Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

Gbasamɔ 9:11

*Kongawan pɛ mbwa, yo nê telenge mɔ fongo. Ling wa nɛ nu *hebro nde, Abadon, nɛ nu greke nde, Apolion. Goto ling ndɔng tɔ nde, *wan-yangili mɔ.

Deamɔ 5:3

Ma, Pierre tɔa ha wɛnɛ: «Ananias, mɛ gbosasa sila mɛ ha *Satan hazu ge? Mɛ tɔa dalo ha *Nzɔy-Sɔtɛ, nɛ mɛ wuso ma bhalkɔ mbɔli fɔ pɛ mɛ hazu ge?

Jean 6:70

Jésus kiforo wen ha mbwa: «Bo nê mi ha weki ɛnɛ ndɔng bhukɔ gbala bwa na nde? Ma, ngase ɛngi ma ndang ha soko ɛnɛ nê ngana pɛ Sɔ.»

Gbasamɔ 2:10

Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.

2 Pierre 2:4

Kpasawen, Sɔ tɛ de kobhe tɛ hio *telenge ndɔng ka bade gdangamɔ sɔngsi, na. Ma, a pio mbwa ha bhandi yɔng nzata. Mbwa dung haki nɛ sanga kɔ ha bhandi ngɛ-ngɛ-ngɛ tutum keri nɛ ngimɔ kita pɛ Sɔ.

Gbasamɔ 13:14

A osala hio wi mɔ zu nu nɛ wal hio mɔweka ndɔng ka wɛnɛ kpaa ziomɔ mɛ de ha li bosi ngɔnzu. A tɔa ha hio wi mɔ zu nu nde, mbwa asɛk ma zizi bosi ngɔnzu ka bakpa dalɛ gbapa nɛ ka bakifiri nɛ zutunɔ.

Gbasamɔ 22:15

Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.

Matthieu 12:34

Ɛnɛ, kul pɛ da gɔk! Ɛnɛ nê gdanga wi, mɛgi ɛnɛ lɛm tɔ dede wen ndang na. Hazu wi tɔ sɔna nɛ wen mɔ, ka don zang sila wa.

Matthieu 13:15

Hazu sila wi mɔ kandɔ ɛngɛ tɛ bo gdingbiti. Mbwa gdɔka zala mbwa nɛ li mbwa tuka nde, li mbwa azɔk mɔ na, nɛ zala mbwa aze mɔ na, nɛ sila mbwa aing gotomɔ na. Yu nde, mbwa betɛ kifiri sila mbwa nɛ mi betɛ kpasisi mbwa.›

Jean 7:17

Wi ka ngoy de mɔ ka sila Sɔ ngoya, wɛnɛ being nde, mana osamɔ pɔm tɛ nɛ wal Sɔ, mana mi ha wola nɛ mɔ nɛ pɔm tɛ.

Jean 8:55

ma, ɛnɛ ing wɛnɛ na. Pɔm, mi ingɔ wɛnɛ. Mi atɔ se nde, mi ing wɛnɛ na, ki mi tɔa dalo tuka ka ɛnɛ ha tɔa. Ma, mi ingɔ wɛnɛ, nɛ mi ha dea mɔ lɛm nɛ wen pɛa.

1 Jean 1:8

Ka ɔ tɔ nde, ɔ bo nê *wan-de gdangamɔ na, ki ɔ osili nɛ tɛ ɔ nɛ pɛ ɔ tɛ, nɛ tɛwen bo ang ha tɛ ɔ na.

1 Jean 2:21

Mi ani ɛnɛ nde, yo nê hazu ɛnɛ tɛ ing tɛwen na, ka mi ngɛriki takarata ɛngɛ nde? Dalo, yo bo mɛgi na. Ma, mi ngɛriki yo hazu ɛnɛ ingɔ tɛwen. Nɛ ɛnɛ ingɔ fin nde, ma dalo ndang lɛm gutɛ ha zang tɛwen na.

Deamɔ 24:9

Nɛ hio zuife mɛkara wen pɛ Tertulus nde, yo nê tɛwen.