Jean 8:42 - Takarata pɛ Sɔ Mbombe Mbon

⁴² Jésus tɔa ha mbwa: «Sɔ abo se nê bafa ɛnɛ, ki ɛnɛ ngoya mi. Hazu mi guotɛ ha pɛa tɛnɛ. Mi tɛ tɛ nɛ zu mi na. Yo nê wɛnɛ ka tomsa mi tɛnɛ.

Jean 8:42 Referans Kwoze

Jean 12:49

Hazu mi tɛ tɔ wen pɔm nɛ zu mi na. Ma, yo nê Bafa mi ka tomsa mi, ka haa mi hio wen ka mi betɔ, nɛ hio mɔ ka mi beosi.

Jean 14:10

Mɛ tɛ mɛkiri nde, mi ang ha tɛ Bafa mi, nɛ Bafa mi ang ha tɛ mi, na? Hio wen ndɔng ka mi tɔ ha ɛnɛ, yo bo nê wen sila mi nɛ pɔm tɛ na. Yo nê Bafa mi ka dung ang ha tɛ mi ka de tom pɛa nɛ wal mi.

Jean 17:8

Hazu mi tɔa ha mbwa hio wen ndɔng ka mɛ batɔ ha mi, nɛ mbwa mɛkara yo. Mbwa ingɔ nɛkpasa nde, mi guotɛ ha pɛ mɛ tɛnɛ. Nɛ mbwa mɛkara nde, yo nê mɛ ka tomsa mi tɛnɛ.

Jean 17:25

Bafa mi, mɛ nɛ nzeng. Hio wi mɔ nzan ing mɛ na, ma, mi ingɔ mɛ, nɛ wi ndɔng hakɛ ingɔ nde, yo nê mɛ ka tomsa mi tɛnɛ.

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

1 Jean 4:14

Pɛ ɔ, ɔ zɔka nɛ tɛ gbali ɔ nde, Sɔ, Bafa tomsa Bewei pɛa mɛ dung *wan-kpasisi hio wi mɔ nzan. Nɛ sising ɔ ha kɛa wena.

Jean 5:43

Yo nê Bafa mi ka tomsa mi ha nzan. Nɛ ɛnɛ tɛ ba mi nɛ dede kɔ na. Ma, ka ma wi tɛ nɛ wal ngatɛ pɛa nɛ pɛa tɛ, ɛnɛ beba wɛnɛ nɛ dede kɔ.

1 Korente 16:22

Ka ma wi ngoy Kongawan na, fomi pɛ Sɔ aba wɛnɛ. Maranata! Kongawan pɛ ɔ, mɛ tɛ!

Jean 3:17

Sɔ tɛ tomsi Bewei pɛa ha nzan nde, wɛnɛ agɔn kita ba hio wi na, ma, a tomsa wɛnɛ nde, mbwa akpasi nɛ wal wɛnɛ.

Jean 5:23

A dea mɛgi tuka nde, hio wi fɛt alukisi mi gbesi tuka mbwa lukisi nɛ Bafa mi. Wi ka lukisi mi na, a lukisi Bafa mi ka tomsa mi na.

Gbasamɔ 22:1

Nɛ telenge ɛngɛ osa ha mi nanali ka ha tunɔ. Li lia nɛ ngɛnza tuka mɔ-zɔk li. Yo gbo ha wal solowan pɛ Sɔ, nɛ pɛ Besami,

Galasi 4:4

Ma, ka ngimɔ ka Sɔ baweki lɛma kari, a tomsa Bewei pɛa. Bhoko bhɛa wɛnɛ, nɛ a dungɔ ha si *mbonga pɛ Moïse.

Jean 8:14

Jésus kiforo wen ha mbwa: «Ngase ka mi kɛ wen tɛ mi nɛ pɔm tɛ, yo nê tɛwen. Hazu mi ingɔ bhandi ka mi guotɛ ang tɛnɛ, nɛ mi ingɔ bhandi ka mi nɛ ang. Ma, ɛnɛ ing bhandi ka mi guotɛ ang tɛnɛ na. Nɛ ɛnɛ ing bhandi ka mi nɛ ang na.

Jean 13:3

Jésus ingɔ nde, Sɔ gdea mɔ fɛt ha kɔ wa. A ingɔ fin nde, a bagutɛ ha pɛ Sɔ tɛnɛ, nɛ nde, a bekifiri si ha pɛ Sɔ.

Jean 16:30

Ɔ zɔka sising nde, mɛ ingɔ mɔ fɛt kari. Mɛ ingɔ mɔ fɛt, ka ɛ beani nɛ mɛ, bingiri ing ki ɛ tɛ ani yo. Yo nê ɛngi, ka ɔ mɛkara nɛ nde, mɛ guotɛ ha pɛ Sɔ tɛnɛ.»

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.