Jean 7:13 - Takarata pɛ Sɔ Mbombe Mbon

¹³ Ma, hio wi tɔ wen pɛa long na, hazu mbwa dungɔ ha yuo ke hio wan-le zuife.

Jean 7:13 Referans Kwoze

Jean 9:22

Mbwa kiforo wen mɛgi, hazu mbwa ha yuo ke hio wan-le zuife. Hazu sɔngsi hio wan-le zuife kpoa zuwen nde, wi ndɔng ka mɛkiri Jésus tuka *Mesi, lɛm dung ha soko giliwi mɔ *twa gɔ Sɔ fin na, ɛ bemul mbwa pi.

Jean 19:38

Joseph wi mɔ le Arimate dungɔ nê ma *wan-yambimɔ pɛ Jésus nɛ wuso, hazu wɛnɛ ha yuo ke hio wan-le *zuife. Hapata fio pɛ Jésus, a nɛa nɛ ani Pilate nde, ka wɛnɛ azilsi wɔl Jésus. Pilate mɛkara. Mɛgi, Joseph nɛa nɛ zilsi wɔl Jésus, nɛ wɛnɛ guo yo pen nɛ.

Jean 20:19

Ha ndangtɛ swe dimasi ɛngi nɛ mbolo, hio wan-yambimɔ wesara may ha zang ma twa. Mbwa gɔma nutwa hazu mbwa yu nɛ ke hio wan-le *zuife. Jésus lea twa nɛ yola ha binsila mbwa. Nɛ wɛnɛ tɔa ha mbwa: «Gaamɔ adung hinɛ ɛnɛ!»

Gbasamɔ 2:13

Mi ingɔ bhandi ka ɛnɛ de le ang, yo nê bhandi ka solowan pɛ *Satan dung ang. Ɛnɛ dolsa tɛ ɛnɛ ha mi, nɛ ɛnɛ tɛ kafi mɛkara mi na, ngase ha ngimɔ ka ɛ gbɛa nɛ Antipas, mboazu wan-kɛwen pɔm ha pɛ ɛnɛ, ha bhandi ka Satan de le ang.

Jean 9:34

Nɛ mbwa tɔa ha wɛnɛ: «Mɛ ka mɛ nê wan-de gdangamɔ angiri ha bhɛ pɛ mɛ, mɛ ngoya osi mɔ ha ɔ, nde?» Mɛgi, mbwa yinɔ wɛnɛ gbo ha twa gɔ Sɔ.

Jean 3:2

Ma zɛ, a nɛa ha pɛ Jésus, nɛ a tɔa ha wɛnɛ: «Wan-osimɔ, ɔ ingɔ nde, yo nê Sɔ ka tomsa mɛ hazu osimɔ ha ɔ. Hazu, ka ngatɛ pɛ Sɔ bo ha tɛ ma wi na, ki a lɛm de hio *mɔweka tuka ka mɛ ha dea na.»

Jean 7:1

Hapata, Jésus dungɔ ha yala bhɔn ka ha kandɔnu Galile. A tɛ ngoy fin yala ha kandɔnu Judée na, hazu haki hio wan-le *zuife dungɔ ha kio wal mɛ gbɛ wɛnɛ.

Jean 7:11

Ha ngimɔ yenga, hio wan-le *zuife dungɔ ha kio wɛnɛ nɛ ana mɔ nde, wɛnɛ ha ndo?

Jean 7:15

Hio wi yaksa pentɛ nɛ mbwa tɔa: «Wei kɛ tɛ yambi *mbonga pɛ ɔ na. Ma, wɛnɛ ingɔ takarata pɛ Sɔ nɛdedea. A dea yo mɛng?»